Viral Video | దొంగతనానికి వెళ్లి ఎగ్జాస్ట్ ఫ్యాన్ కన్నంలో ఇరుక్కున్న దొంగ

Viral Video | ఎరక్కబోయి ఇరుక్కున్నాడు అంటే ఇదే కాబోలు.. ఓ దొంగ దొంగతనం చేయడానికి ఓ ఇంట్లోకి దూరబోయి అడ్డంగా ఇరుక్కున్నాడు. దొంగతనం చేయాలంటే అంత ఈజీ కాదు. అదొక ఆర్ట్. కొందరు దొంగలు ఎంతో సింపుల్‌గా చేసేస్తారు. పక్కన ఇండ్లలో ఉండే వాళ్లకు కూడా తెలియదు. కానీ.. ఓ దొంగ ఎగ్జాస్ట్ ఫ్యాన్ నుంచి లోపలికి దూరి ఉన్నదంతా ఊడ్చేద్దామనుకొని మనోడే అడ్డంగా ఓనర్‌కి, పోలీసులకు దొరికిపోయాడు. ఈ ఘటన రాజస్థాన్‌లోని కోటాలో చోటు చేసుకుంది. సుభాష్ కుమార్ రావత్ అనే వ్యక్తి ఇంట్లోనే ఈ ఘటన చోటు చేసుకుంది.

తన భార్యతో కలిసి ఆదివారం గుడికి వెళ్లి సాయంత్రం ఇంటికి తిరిగి వచ్చి చూసేసరికి దొంగ ఎగ్జాస్ట్ ఫ్యాన్‌లో ఇరుక్కొని కనిపించాడు. తాను దొంగనని.. తనను ఈ కన్నంలో నుంచి బయటికి తీయాలంటూ ఆ ఓనర్‌నే బెదిరించడం స్టార్ట్ చేశాడు. దీంతో ఓనర్ వెంటనే పోలీసులకు ఫోన్ చేయడంతో పోలీసులు వచ్చి ఆ దొంగను ఆ కన్నంలో నుంచి బయటికి తీసి ఆసుపత్రికి తరలించారు. ఆ తర్వాత అదుపులోకి తీసుకొని విచారిస్తున్నారు. ఈ దొంగ కన్నంలో ఇరుక్కునే సరికి మనోడితో వచ్చిన మిగితా వాళ్లు పారిపోయారు. వీళ్లంతా కారులో వచ్చి పక్కా ప్లాన్‌తో దొంగతనం చేయాలనుకున్నా కన్నంలో ఈ దొంగ ఇరుక్కోవడంతో అంతా బెడిసికొట్టింది.

चोरी का प्लान फेल!
एग्जॉस्ट फैन में फंसा चोर

कोटा में चोरी की कोशिश कर रहा युवक एग्जॉस्ट फैन के छेद में फंस गया. मकान मालिक के शोर मचाने पर पुलिस ने आरोपी को गिरफ्तार किया, जो पुलिस स्टिकर लगी कार से आया था#Kota #rajasthan #viralvideo pic.twitter.com/GFfrc3qQFw

— NDTV India (@ndtvindia) January 6, 2026