KTR | విన‌య్‌! నేనున్నా భ‌య‌ప‌డకు.. మంచి వైద్య‌మిప్పిస్తా

• బ్రెయిన్ క్యాన్స‌ర్‌తో బాధ‌ప‌డుతున్న‌ 13 ఏళ్ల బాలుడికి కేటీఆర్ భ‌రోసా

KTR | త్రినేత్ర న్యూస్: బీఆర్ఎస్ వ‌ర్కింగ్ ప్రెసిడెంట్ కేటీఆర్ మ‌రోసారి మంచి మ‌న‌సు చాటుకున్నారు. బ్రెయిన్‌ క్యాన్సర్‌తో బాధపడుతున్న 13 ఏళ్ల బాలుడికి అండ‌గా ఉండి మంచి వైద్యం ఇప్పిస్తాన‌ని మాటిచ్చారు. మందులేసుకుంటే మంచిగైత‌వ‌ని వెన్నుత‌ట్టి భ‌రోసా క‌ల్పించారు.

ఇవీ వివ‌రాలు.. ఖమ్మం కూసుమంచిలోని నరసింహులగూడెంకు చెందిన కర్నె ఆదినారాయణ, అనిత దంపతుల కుమారుడు వినయ్ (13) బ్రెయిన్ క్యాన్సర్‌తో బాధ పడుతున్నాడు. అయితే కేటీఆర్‌ను ఒక్క‌సారైనా కలవాలని, ఆయనతో ఒక ఫొటో దిగాలనేది వినయ్ కోరిక. ఈ విషయాన్ని తెలుసుకున్న మాజీ ఎమ్మెల్యే కందాల ఉపేందర్.. బాలుడి కోరిక‌ను, అనారోగ్య ప‌రిస్థితిని వెంటనే కేటీఆర్ దృష్టికి తీసుకెళ్లి వినయ్‌తో పాటు కుటుంబ స‌భ్యులు కేటీఆర్‌ను క‌లిసేలా చొర‌వ తీసుకున్నారు. వినయ్‌ను కేటీఆర్ శ‌నివారం క‌లిసి ఆప్యాయంగా మాట్లాడారు. అతనికి ధైర్యం చెప్పారు. బాలుడికి అవసరమైన మెరుగైన వైద్య సహాయం అందేలా చూస్తామని కుటుంబ సభ్యులకు భరోసా ఇచ్చారు.

మరోసారి మంచి మనసు చాటుకున్న కేటీఆర్

బ్రెయిన్‌ క్యాన్సర్‌తో బాధపడుతున్న 13 ఏళ్ల బాలుడికి కేటీఆర్ భరోసార

ఖమ్మం కూసుమంచిలోని నరసింహులగూడెంకు చెందిన ఆదినారాయణ, అనిత దంపతుల కుమారుడు వినయ్(13) బ్రెయిన్ క్యాన్సర్‌తో బాధ పడుతున్నాడు

ఈ విషయం తెలుసుకున్న కేటీఆర్.. అతనికి అత్యుత్తమ వైద్యం అందించేందుకు అవసరమైన సహకారం అందిస్తానని భరోసా

ఆందోళన చెందవద్దని, ధైర్యంగా ఉండాలంటూ.. వినయ్‌కు, అతని కుటుంబ సభ్యులకు ధైర్యం చెప్పిన కేటీఆర్

— PulseNewsBreaking (@pulsenewsbreak) October 17, 2026