TGPSC | నిరుద్యోగుల‌కు గుడ్‌న్యూస్‌.. HMWSSBలో 130 మేనేజ‌ర్ పోస్టుల‌కు టీజీపీఎస్సీ నోటిఫికేష‌న్‌..!

TGPSC | హైదరాబాద్‌ మెట్రోపాలిటన్‌ వాటర్ స‌ప్ల‌య్ అండ్‌ సీవరేజ్‌ బోర్డు (హెచ్‌ఎండబ్ల్యూఎస్‌ఎస్‌బీ)లో మేనేజర్‌ (ఇంజినీరింగ్‌) పోస్టుల భర్తీకి తెలంగాణ పబ్లిక్‌ సర్వీస్‌ కమిషన్‌ (టీజీపీఎస్సీ) నోటిఫికేషన్‌ జారీ చేసింది. మల్టీ జోన్‌–II కేడర్‌లో మొత్తం 130 పోస్టులను భర్తీ చేయనున్నారు. అర్హులైన అభ్యర్థులు ఈ నెల 23 నుంచి అక్టోబర్‌ 17 వరకు ఆన్‌లైన్‌లో దరఖాస్తు చేసుకోవాల‌ని నోటిఫికేష‌న్‌లో పేర్కొంది. ఈ పోస్టులకు 18 నుంచి 44 ఏళ్ల మధ్య వయసున్న అభ్యర్థులు దరఖాస్తు చేసుకోవచ్చు. వయసును 2026 జూలై 1 నాటికి లెక్కిస్తారు. ఎంపికైన వారికి రూ.54,220 నుంచి రూ.1,33,630 పే స్కేల్‌లో వేతనం లభిస్తుంది. దరఖాస్తులు, అర్హతలు, ఎంపిక విధానం, ఇతర నిబంధనలకు సంబంధించిన పూర్తి వివరాలను టీజీపీఎస్సీ వెబ్‌సైట్‌లో అందుబాటులో ఉంచిన‌ట్లు చెప్పింది. వివ‌రాల‌కు అభ్య‌ర్థులు www.tgpsc.gov.inను సందర్శించాలని కమిషన్‌ సూచించింది.