BJP | తెలంగాణ‌పై బీజేపీ ప్ర‌త్యేక ఫోక‌స్..

BJP | త్రినేత్ర‌.న్యూస్‌ : తెలంగాణ (Telangana) రాజ‌కీయాల‌పై బీజేపీ (BJP) ప్ర‌త్యేక దృష్టి సారించింది. బీజేపీ జాతీయ అధ్య‌క్షుడిగా (BJP National President) ఏక‌గ్రీవంగా ఎన్నికైన నితిన్ న‌బిన్ (Nitin Nabin) బాధ్య‌త‌లు స్వీక‌రించి ఇర‌వై నాలుగ్గంట‌లు గ‌డ‌వ‌క‌ముందే ప‌నిలో దిగి అంద‌రినీ ఆశ్చ‌ర్య‌ప‌రిచారు. తెలంగాణ‌లో మున్సిప‌ల్, కార్పొరేష‌న్‌ ఎన్నిక‌లు స‌మీపిస్తున్న నేప‌థ్యంలో బీజేపీ అధిష్టానం రాష్ట్రంపై ఫోక‌స్ పెట్టింది. నితిన్ న‌బిన్ ఈ ఎన్నిక‌ల‌కు ఇంచార్జి, కో ఇంచార్జిల‌ను నియ‌మించారు. ఇంచార్జిగా మ‌హారాష్ట్ర మంత్రి ఆశిష్ షేల‌ర్‌, కో ఇంచార్జిలుగా రాజ‌స్థాన్ బీజేపీ మాజీ అధ్య‌క్షుడు అశోక్ ప‌ర్ణామి, రాజ్య‌స‌భ స‌భ్యురాలు రేఖ‌శ‌ర్మ నియ‌మితుల‌య్యారు. ఈ మేర‌కు బీజేపీ జాతీయ ప్ర‌ధాన కార్య‌ద‌ర్శి, బీజేపీ ప్ర‌ధాన కార్యాల‌య ఇంచార్జి అరుణ్‌సింగ్ నియామ‌క ఉత్త‌ర్వుల‌ను జారీ చేశారు. ఈ నియామ‌కం త‌క్ష‌ణ‌మే అమ‌ల్లోకి వ‌స్తుంద‌ని స్ప‌ష్టం చేశారు.