Raghunandan Rao | ముందు విద్యుత్ కోత‌ల‌పై స‌మాధానం చెప్పండి: బీజేపీ ఎంపీ రఘునందన్‌రావు

Raghunandan Rao | త్రినేత్ర న్యూస్‌: స‌ర్‌పై మాట్లాడుతున్న కాంగ్రెస్ ప్ర‌భుత్వం.. ముందు క‌రెంట్ కోత‌ల‌పై స‌మాధానం చెప్పాల‌ని బీజేపీ మెద‌క్ ఎంపీ ర‌ఘునంద‌ర్‌రావు డిమాండ్ చేశారు. కొండారెడ్డిప‌ల్లిలో ఎన్ని ఓట్లు తొల‌గించారో చెప్పాల‌న్నారు. కాంగ్రెస్ ఇచ్చిన హామీలు నెర‌వేర్చ‌కుండా స‌ర్‌పై ఆరోప‌ణ‌లు చేయ‌డం స‌రికాద‌న్నారు. స‌ర్‌లో డూప్లికేట్‌, మ‌ర‌ణించిన వారి ఓట్లే తొల‌గించార‌ని పేర్కొన్నారు. మెద‌క్ జిల్లా నర్సాపూర్ నియోజకవర్గంలోని శివంపేట మండలంలోని పలు గ్రామాల్లో సరైన విద్యుత్ సరఫరా లేక ఎండిపోయిన వరి పంటలను పరిశీలించిన అనంత‌రం ఆయ‌న మాట్లాడారు. వెంటనే చర్యలు తీసుకోవాలని సంబంధిత అధికారులను ఆదేశించిన‌ట్లు చెప్పారు.

తెలంగాణలో కరెంట్ కోతలపై ప్రజలు ప్రశ్నిస్తున్నారు. క్షేత్రస్థాయిలో విద్యుత్ సమస్యలు పరిష్కరించాలి. సాగు నీరు లేక రైతులు తీవ్ర ఇబ్బందులు ప‌డుతున్నారు. క‌నీసం బోరు బావుల‌తో పంట పొలాల‌కు నీళ్లు పెడ‌దామ‌నుకుంటున్న అన్న‌దాత‌ల‌కు క‌నీసం క‌రెంటు ఇస్త‌లేరు. ఇచ్చిన హామీలు ఎప్పుడో మ‌రిచారు. రేవంత్ సొంతూరు అయిన కొండారెడ్డిపల్లిలో ఎన్ని ఓట్లు తొలగించారో చెప్పాలి అని ఎంపీ రఘునందన్‌రావు డిమాండ్ చేశారు.