Pralhad Joshi | కేంద్ర విద్యాశాఖ మంత్రిగా ప్ర‌హ్లాద్ జోషి బాధ్య‌త‌ల స్వీక‌ర‌ణ‌

Pralhad Joshi | త్రినేత్ర‌.న్యూస్ : కేంద్ర విద్యాశాఖ మంత్రిగా ప్ర‌హ్లాద్ జోషి( Pralhad Joshi ) ఆదివారం అద‌న‌పు బాధ్య‌త‌లు స్వీక‌రించారు. తనపై ఉంచిన నమ్మకాన్ని నిలబెట్టుకునేందుకు శక్తివంచన లేకుండా పని చేస్తానని ఈ సంద‌ర్భంగా ప్ర‌హ్లాద్ జోషి ఎక్స్ వేదిక‌గా వెల్ల‌డించారు. తనపై నమ్మకంతో కీలక బాధ్యతలు అప్పగించిన ప్రధాని న‌రేంద్ర మోదీకి ప్ర‌త్యేక‌ ధన్యవాదాలు తెలుపుతున్న‌ట్లు ఆయ‌న పేర్కొన్నారు.

నీట్ పేప‌ర్ లీకేజీని నిర‌సిస్తూ సీజేపీతో పాటు విద్యార్థులు జంత‌ర్ మంత‌ర్ వ‌ద్ద చేప‌ట్టిన ఆందోళ‌న‌లు తీవ్ర ఉద్రిక్త‌త‌కు దారి తీసిన సంగ‌తి తెలిసిందే. ఈ నేప‌థ్యంలో కేంద్ర విద్యాశాఖ మంత్రి ధ‌ర్మేంద్ర ప్ర‌ధాన్ త‌న ప‌ద‌వికి శ‌నివారం రాజీనామా చేశారు. ప్ర‌ధాని మోదీ స‌ల‌హా మేర‌కు రాష్ట్ర‌ప‌తి ద్రౌప‌దీ ముర్ము.. ప్ర‌హ్లాద్ జోషికి అద‌నంగా విద్యాశాఖ బాధ్య‌త‌ల‌ను అప్ప‌గిస్తూ ఉత్త‌ర్వులు జారీ చేశారు. కర్ణాటకకు చెందిన ప్రహ్లాద్‌ జోషి.. ధార్వాడ లోక్‌సభ స్థానం నుంచి పార్ల‌మెంట్‌కు ప్రాతినిధ్యం వహిస్తున్నారు. కేంద్ర వినియోగదారుల వ్యవహారాలు, ఆహారం, ప్రజాపంపిణీ శాఖ మంత్రిగా ఉన్న ఆయన.. ఆదివారం నుంచి విద్యా శాఖ అదనపు బాధ్యతలను కూడా నిర్వర్తించనున్నారు.