Nirmal | ట‌ర్కీలో ప్ర‌మాదం.. నిర్మ‌ల్ జిల్లా యువకుడు మృతి

Nirmal | త్రినేత్ర న్యూస్‌: బ‌తుకుదెరువు కోసం ట‌ర్కీ వెళ్లిన నిర్మ‌ల్ (Nirmal) జిల్లాకు చెందిన యువ‌కుడు రోడ్డు ప్ర‌మాదంలో మృతిచెందాడు. నిర్మల్ జిల్లా సోన్‌ మండంలోని మాదాపూర్‌ గ్రామానికి చెందిన తోకల ఆదిత్య(23) ఐదు నెల‌ల క్రితం ఉపాధి కోసం టర్కీ (Turkey) వెళ్లారు. అక్క‌డ భవన నిర్మాణ కార్మికుడిగా పని చేస్తున్నారు. ఈ క్ర‌మంలో విధుల్లో ఉండ‌గా ప్రమాదవశాత్తు గాయపడ్డారు. దీంతో వారం రోజులుగా ద‌వాఖాన‌లో చికిత్స పొందుతూ మంగళవారం మృతి చెందినట్లు ఆదిత్య కుటుంబసభ్యులు తెలిపారు. స్థానిక ఎమ్మెల్యే చొరవతో మృతదేహాన్ని స్వగ్రామానికి తీసుకురానున్నారు. మృతుడికి తల్లిదండ్రులతోపాటు సోదరుడు ఉన్నారు.

అల్లారుముద్దుగా పెంచుకున్న కుమారుడిని ప్ర‌యోజ‌కుడిని చేసి కుటుంబానికి ఆస‌రాగా నిల‌వాల‌ని పొరుగు దేశానికి పంపిస్తే, విగ‌త జీవిగా తిరిగొస్తాడ‌ని క‌ల‌లో కూడా ఊహించ‌లేదంటూ త‌ల్లిదండ్రులు క‌న్నీరుమున్నీరుగా విల‌పిస్తున్నారు. ఉపాధి కోసం విదేశాల‌కు వెళ్లిన యువ‌కుడు మృతిచెంద‌డ‌టంతో మాదాపూర్‌లో విషాదం నెల‌కొంది.