Damodar Raja Narasimha | ఇది సీఎం వెళ్లే దారి.. మంత్రి దామోద‌ర‌కు చేదు అనుభ‌వం

Damodar Raja Narasimha | త్రినేత్ర‌.న్యూస్ : శాస‌న‌మండ‌లి ప్రాంగ‌ణంలో రాష్ట్ర వైద్యారోగ్య శాఖ మంత్రి దామోద‌ర రాజ‌న‌ర్సింహ‌కు చేదు అనుభ‌వం ఎదురైంది. మండ‌లి క‌మిటీ హాల్‌లో సీఎం రేవంత్ రెడ్డి అధ్య‌క్ష‌త‌న సీఎల్పీ స‌మావేశం జ‌రిగింది. ఈ స‌మావేశానికి చైర్మ‌న్ ఎంట్రెన్స్ నుంచి లోప‌లికి వెళ్లేందుకు దామోద‌ర రాజ‌న‌ర్సింహ య‌త్నించారు. దీంతో అక్క‌డున్న సీఎం భ‌ద్ర‌తా సిబ్బంది.. దామోదర రాజ‌న‌ర్సింహ‌ను అడ్డుకున్నారు. సీఎం భ‌ద్ర‌తా సిబ్బందిపై మంత్రి దామోద‌ర తీవ్ర ఆగ్ర‌హంతో ఊగిపోయారు. చివ‌ర‌కు అధికారుల జోక్యంతో.. చైర్మ‌న్ ఎంట్రెన్స్ నుంచే సీఎల్పీ స‌మావేశానికి మంత్రి దామోద‌ర‌ను పోనిచ్చారు. మంత్రిని.. న‌న్నే ఆపుతారా అంటూ సిబ్బందిపై నిప్పులు చెరిగారు.