Medak | మెద‌క్ మాజీ మున్సిప‌ల్ చైర్మ‌న్ అరెస్టు.. తీవ్ర ఉద్రిక్త‌త‌

కాంగ్రెస్ నేత‌ల‌పై దాడి చేశార‌ని అరెస్టు
ఎస్సీ, ఎస్టీ కేసులో ఇప్ప‌టికే 13 మందికి రిమాండ్
తాజాగా మాజీ మున్సిప‌ల్ చైర్మ‌న్ మ‌ల్లికార్జున్ గౌడ్ అరెస్టు
మెద‌క్ జిల్లాలో తీవ్ర ఉద్రిక్త‌త

Medak | త్రినేత్ర‌.న్యూస్ : ఇటీవ‌ల జ‌రిగిన మున్సిప‌ల్ ఎన్నిక‌ల స‌మ‌యంలో కాంగ్రెస్ నేత‌ల‌తో పాటు ఎమ్మెల్యేపై హ‌త్యాయ‌త్నానికి ప్ర‌య‌త్నించార‌ని బీఆర్ఎస్ నేత‌ల‌పై కేసులు న‌మోద‌య్యాయి. ఈ కేసులో ఇప్ప‌టికే 13 మంది బీఆర్ఎస్ నేత‌ల‌ను అరెస్టు చేసి రిమాండ్‌కు త‌ర‌లించారు. వారు ప్ర‌స్తుతం సంగారెడ్డి జైల్లో ఉన్నారు.

ఇక శ‌నివారం ఉద‌యం మెద‌క్ మున్సిప‌ల్ మాజీ చైర్మ‌న్ మ‌ల్లికార్జున్ గౌడ్‌ను అరెస్టు చేశారు. అనంత‌రం ఆయ‌న‌ను మెద‌క్ రూర‌ల్ పోలీసు స్టేష‌న్‌కు త‌ర‌లించారు. దీంతో స్థానికంగా ఉద్రిక్త ప‌రిస్థితులు నెల‌కొన్నాయి. మ‌ల్లికార్జున్ గౌడ్ నివాసంతో పాటు పీఎస్ వ‌ద్ద భారీగా పోలీసులు మోహ‌రించారు. బీఆర్ఎస్ నేత‌ల‌ను అక్ర‌మంగా అరెస్టు చేసి జైల్లో పెడుతున్నార‌ని కార్య‌క‌ర్త‌లు పోలీసుల‌పై మండిప‌డ్డారు. అక్రమ అరెస్టులతో పోలీసులు భయభ్రాంతులకు గురి చేస్తున్నారని ప్రజలు ఆరోపిస్తున్నారు.