CI Transfers | సైబ‌రాబాద్ క‌మిష‌న‌రేట్‌లో భారీగా సీఐల బ‌దిలీలు.. ఉత్త‌ర్వ‌లు జారీ చేసిన సీపీ

Cyberabad Commissionerate | త్రినేత్ర‌.న్యూస్‌: సైబరాబాద్ పోలీస్ కమిషనరేట్ పరిధిలో భారీ బ‌దిలీల కుదుపు చోటుచేసుకుంది. 55 మంది సివిల్ సర్కిల్ ఇన్‌స్పెక్టర్లను బదిలీ చేస్తూ సైబరాబాద్ సీపీ ఎం.రమేశ్‌రెడ్డి తాజాగా ఉత్తర్వులు జారీ చేశారు. ఈ ఉత్తర్వులు తక్షణమే అమల్లోకి వస్తాయ‌ని ఆయ‌న పేర్కొన్నారు. పరిపాలనా కారణాల దృష్ట్యా ఈ బదిలీలు చేసిన‌ట్లు వివ‌రించారు.

స్టేషన్ హౌస్ ఆఫీసర్లు (SHO), ట్రాఫిక్ యూనిట్లు, స్పెషల్ ఆపరేషన్స్ టీమ్ (SOT), సైబర్ క్రైమ్ విభాగాలకు ఈ అధికారులు బదిలీ అయ్యారు. మాదాపూర్ ఎస్‌హెచ్‌ఓగా కె.వి. సుబ్బారావు, కూకట్‌పల్లి ఎస్‌హెచ్‌ఓగా డి.స్వామి గౌడ్నా, నార్సింగి ఎస్‌హెచ్‌ఓగా డి.విష్ణువర్ధన్ రెడ్డి, గచ్చిబౌలి ఎస్‌హెచ్‌ఓగా కె.సైదులు నియమితులయ్యారు.