Jogipet SI | ప్ర‌మాద‌మా?.. హ‌త్యాయ‌త్న‌మా?.. పోలీస్ వాహనాన్ని ఢీకొట్టిన లారీ.. గాయ‌ప‌డిన‌ జోగిపేట ఎస్ఐ

Jogipet SI | త్రినేత్ర‌.న్యూస్‌: సంగారెడ్డి (Sangareddy) జిల్లా చౌట‌కూర్ మండ‌లంలోని స‌రాఫ్‌ప‌ల్లి వ‌ద్ద పోలీస్ వాహ‌నాన్ని లారీ ఢీకొట్టింది. అందులో ఉన్న ఓ ఎస్ఐ (Jogipet SI) తీవ్రంగా గాయ‌ప‌డ్డారు. సోమ‌వారం ఉద‌యం జ‌రిగిన ఈ ప్ర‌మాదంపై ప‌లు అనుమానాలు వ్య‌క్త‌మ‌వుతున్నాయి.

సోమ‌వారం తెల్ల‌వారుజామున స‌రాఫ్‌ప‌ల్లి వ‌ద్ద నాందేడ్‌-అకోలా జాతీయ ర‌హ‌దారిపై జోగిపేట నుంచి సంగారెడ్డి వెళ్లే మార్గంలో ముగ్గురు వ్య‌క్తులు అనుమానాస్ప‌దంగా క‌నిపించారు. దీంతో పోలీస్ కారులో అటుగా వెళ్తున్న జోగిపేట ఎస్సై.. త‌న వాహ‌నాన్ని ఆపారు. ఇంత‌లో వెనుక‌నుంచి వ‌చ్చిన ఓ లారీ ఆ కారును ఢీకొట్టింది. దీంతో ఎస్ఐ పాండుగౌడ్ గాయ‌ప‌డ్డారు. పోలీస్ వాహ‌నం స్వ‌ల్పంగా ధ్వంస‌మైంది. తోటి సిబ్బంది గాయ‌ప‌డిన ఎస్ఐని హుటాహుటిన ద‌వాఖాన‌కు త‌ర‌లించారు. ఈ ఘ‌ట‌న‌పై కేసు న‌మోదుచేసిన పోలీసులు ద‌ర్యాప్తు చేస్తున్నారు. ప్ర‌మాదమా? లేదా కావాల‌నే ఢీకొట్టారా? అనే కోణంలో విచార‌ణ చేప‌ట్టారు.