Rain Alert | నేడు, రేపు భారీ వ‌ర్షాలు.. గంట‌కు 40 నుంచి 50 కి.మీ. వేగంతో ఈదురుగాలులు

Rain Alert | త్రినేత్ర‌.న్యూస్‌: రుతుప‌వ‌నాల ప్ర‌భావంతో శ‌నివారం మ‌ధ్యాహ్నం నుంచి రాష్ట్రంలోని ప‌లు జిల్లాల్లో వ‌ర్షాలు (Rain Alert) కురుస్తున్నాయి. ఆది, సోమ‌వారాల్లోనూ పలు జిల్లాల్లో ఉరుములు, మెరుపులు, గంటకు 40-50 కిలోమీట‌ర్ల‌ వేగంతో కూడిన ఈదురు గాలులతో కూడిన‌ వర్షాలు వ‌స్తాయ‌ని వాతావ‌ర‌ణ శాఖ (IMD) తెలిపింది. మ‌హ‌బూబ్‌న‌గ‌ర్‌, నాగ‌ర్ క‌ర్నూల్‌, వ‌న‌ప‌ర్తి, నారాయ‌ణ‌పేట‌, జోగులాంబ జిల్లాల‌లో వాన‌లు కురుస్తాయ‌ని వెల్ల‌డించింది.

ములుగు, భద్రాద్రి కొత్తగూడెం, ఖమ్మం, నల్గొండ, సూర్యాపేట, మహబూబాబాద్‌ జిల్లాల్లో గంట‌కు 30 నుంచి 40 కిలోమీట‌ర్ల వేంగంతో ఈదురుగాలులు వీస్తాయ‌ని, భారీ వ‌ర్షం కురుస్తుంద‌ని తెలిపింది. ఈ జిల్లాల‌కు ‘పసుపు’ రంగు హెచ్చరికలు జారీ చేసింది. మంగళ, బుధవారాల్లోనూ పలు జిల్లాల్లో తేలికపాటి నుంచి ఓ మోస్తరు వర్షాలు కురిసే అవకాశాలున్నట్లు పేర్కొంది. కాగా, రాష్ట్రంలో అక్క‌డ‌క్క‌డ శ‌నివారం అర్ధ‌రాత్రి రాత్రి మొద‌లైన వాన ఆదివారం తెల్ల‌వారే వ‌ర‌కు కురుస్తూనే ఉన్న‌ది.