Heat Wave | 48 గంట‌ల పాటు దంచికొట్ట‌నున్న ఎండ‌లు.. ఉత్త‌ర తెలంగాణకు వ‌డ‌గాల్పుల హెచ్చ‌రిక‌

Heat Wave | త్రినేత్ర‌.న్యూస్ : నైరుతి రుతుప‌వ‌నాలు( Monsoon ) రాష్ట్ర వ్యాప్తంగా విస్త‌రించ‌లేదు. దీంతో ఎండ‌ల తీవ్ర‌త( Heat Wave ) కొన‌సాగుతూనే ఉంది. భారీగా ఉష్ణోగ్ర‌త‌లు 9 Temperatures )న‌మోద‌వుతున్నాయి. రాబోయే 48 గంట‌ల పాటు ఎండ‌లు దంచికొట్టే అవ‌కాశం ఉంద‌ని హైద‌రాబాద్ వాతావ‌ర‌ణ కేంద్రం( IMD Hyderabad ) వెల్ల‌డించింది.ఈ క్ర‌మంలో ఉత్త‌ర తెలంగాణ జిల్లాలో వ‌డ‌గాల్పులు వీచే అవ‌కాశం ఉంద‌ని ప్ర‌జ‌లు అప్ర‌మ‌త్తంగా ఉండాల‌ని హెచ్చ‌రించింది.

ఆదిలాబాద్, ఆసిఫాబాద్, మంచిర్యాల‌, నిర్మ‌ల్, నిజామాబాద్, క‌రీంన‌గ‌ర్, పెద్ద‌ప‌ల్లి, భూపాల‌ప‌ల్లి జిల్లాల్లో 41 నుంచి 44 డిగ్రీల మ‌ధ్య ఉష్ణోగ్ర‌త‌లు న‌మోద‌య్యే అవ‌కాశం ఉంద‌ని వాతావ‌ర‌ణ శాఖ హెచ్చ‌రించింది.

తెలంగాణ‌లో జూన్ 22, 23 తేదీల త‌ర్వాత నైరుతి రుతుప‌వ‌నాలు బ‌ల‌ప‌డే అవ‌కాశం ఉంద‌ని వాతావ‌ర‌ణ శాఖ అంచ‌నా వేస్తుంది. ఆ త‌ర్వాత వ‌ర్షాలు విస్తారంగా కురిసే అవ‌కాశం ఉంది. ఏపీలోనూ ఇంకా నైరుతి రుతుప‌వ‌నాలు పూర్తిస్థాయిలో విస్త‌రించ‌లేదు. వాస్త‌వానికి జూన్ 4 నుంచి 15వ తేదీ మ‌ధ్య దేశంలో సాధార‌ణ వ‌ర్ష‌పాతం 53.7 మి.మీ. వ‌ర్ష‌పాతం న‌మోదు కావాలి.. కానీ కేవ‌లం ఈ తేదీల మ‌ధ్య‌లో 19.2 మి.మీ. వ‌ర్ష‌పాతం న‌మోదైన‌ట్లు వాతావ‌ర‌ణ శాఖ వెల్ల‌డించింది. మొత్తానికి దేశ వ్యాప్తంగా 64 శాతం వ‌ర్ష‌పాత లోటు ఏర్ప‌డింది.