Santosh Kumar | లండ‌న్‌లో అంబేద్క‌ర్ ఇల్లును సంద‌ర్శించిన మాజీ ఎంపీ సంతోష్ కుమార్

Santosh Kumar | త్రినేత్ర‌.న్యూస్ : భార‌త రాజ్యాంగ నిర్మాత డాక్ట‌ర్ బీఆర్ అంబేద్క‌ర్ త‌న విద్యార్థి రోజుల్లో లండ‌న్‌లో నివ‌సించిన ఇంటిని రాజ్య‌స‌భ మాజీ ఎంపీ, బీఆర్ఎస్ పార్టీ ప్ర‌ధాన కార్య‌ద‌ర్శి సంతోష్ కుమార్ తెలంగాణ ఎన్నారైల‌తో క‌లిసి సంద‌ర్శించారు. ఇదొక చారిత్రక చిహ్నమని, ఎందుకంటే ఇది ఓ భవనం మాత్రమే కాదు, ఆయ‌న వార‌స‌త్వాన్ని తెలుసుకునేందుకు అర్థ‌వంతంగా ఉంద‌ని తెలిపారు. భ‌వ‌నం మొత్తం క‌లియ‌తిరిగి ప‌రిశీలించిన‌ప్పుడు.. అంబేద్క‌ర్ దార్శ‌నిక‌త‌, ఆయ‌న అంకిత‌భావం గుర్తుకు వ‌చ్చింద‌న్నారు. ఎంతో స్ఫూర్తిదాయ‌క‌మైన చ‌రిత్ర‌కు ఈ భ‌వ‌నం సాక్ష్యంగా నిల‌వ‌డం గౌర‌వంగా ఉంద‌ని సంతోష్ కుమార్ పేర్కొన్నారు.

అంబేద్క‌ర్ ఇంటిని సంద‌ర్శించిన నేప‌థ్యంలో ఆయ‌న విగ్ర‌హానికి సంతోష్ కుమార్ నివాళుల‌ర్పించారు. ఆయ‌న ఇండియాకు అందించిన సేవ‌ల‌ను గుర్తు చేసుకున్నారు. ఇక ఇల్లు సంద‌ర్శ‌న‌లో భాగంగా అక్క‌డున్న నిర్వాహ‌కులు ప్ర‌తి విష‌యాన్ని క్షుణ్ణంగా వివ‌రించారు.

అంబేద్క‌ర్ ఇంటిని గ్రీన్ ఇండియా చాలెంజ్ సహ వ్యవస్థాపకుడు సంజీవల్ల రాఘవేందర్, ఎఫ్‌డీసీ మాజీ చైర్మ‌న్ అనిల్ కుర్మాచ‌లంతో క‌లిసి సంతోష్ కుమార్ సంద‌ర్శించారు.

భారత రాజ్యాంగ నిర్మాత అంబేద్క‌ర్ విద్యార్థిగా ఉన్నప్పుడు లండన్ ఉత్తర ప్రాంతంలోని కింగ్ హెన్రీ రోడ్డులో బస చేసిన ఇల్లు ఇది. 1921-22 సంవత్సరాల మధ్య అంబేద్కర్ లండన్ స్కూల్ ఆఫ్ ఎకనామిక్స్‌లో చదువుతున్న సమయంలో ఈ భవనంలో నివసించినట్లు ఆ భవనంపై ఉన్న నీలి రంగు ఫలకంపై ఉంది.

Visited the iconic Dr. B. R. Ambedkar House in London with my friends! 🇮🇳 A truly meaningful experience reflecting on Babasaheb’s legacy and global impact. Walking through his home reminds us of his vision and dedication. Honored to witness such inspiring history! 🙏@Anil_trs… pic.twitter.com/VbPfcaT1ft

— Santosh Kumar J (@SantoshKumarBRS) April 20, 2026