Telangana Praja Jagruthi | క‌విత కొత్త పార్టీ.. తెలంగాణ ప్ర‌జా జాగృతి..!

Telangana Praja Jagruthi | త్రినేత్ర‌.న్యూస్ : తెలంగాణ‌లో మ‌రో రాజ‌కీయ పార్టీ( Political Party ) పురుడు పోసుకునేందుకు స‌మ‌యం ఆస‌న్న‌మైంది. మే నెల‌లో కొత్త పార్టీ స్థాపించ‌బోతున్న‌ట్లు ఇటీవ‌లే మాజీ ఎమ్మెల్సీ, తెలంగాణ జాగృతి అధ్య‌క్షురాలు క‌ల్వ‌కుంట్ల క‌విత( Kalvakuntla Kavitha ) ప్ర‌క‌టించిన సంగ‌తి తెలిసిందే. త‌న పార్టీలో తెలంగాణ( Telangana ) ప‌దం త‌ప్ప‌కుండా ఉంటుంద‌ని ఆమె ప్ర‌క‌టించారు. మ‌రి ఆమె పార్టీ పేరు ఏమై ఉండొచ్చ‌ని రాజ‌కీయ వ‌ర్గాల్లో ర‌క‌ర‌కాల చ‌ర్చ‌లు కొన‌సాగాయి.. కొన‌సాగుతూనే ఉన్నాయి. ఒక్కొక్క‌రు ఒక్కో పేరు ఊహించుకున్నారు. అయితే చ‌ర్చ‌ల‌కు తెర‌ప‌డిన‌ట్టు అయింది.

తెలంగాణ జాగృతి( Telangana Jagruthi ) అధ్య‌క్షురాలు క‌విత స్థాపించ‌బోయే పార్టీ పేరు తెలంగాణ ప్ర‌జా జాగృతి( Telangana Praja Jagruthi ) అని ఖ‌రారు చేశారు. ఈ పేరును మే నెల‌లో ఆమె అధికారికంగా ప్ర‌క‌టించనున్నారు. అయితే కొత్త పార్టీకి సంబంధించిన ప్ర‌క‌ట‌న‌ల‌ను జాతీయ‌, తెలుగు దిన‌ప‌త్రిక‌ల్లో ఇవ్వ‌నున్నారు. వారం రోజుల పాటు అట్ట‌హాసంగా ఆవిర్భావ వేడుక‌ల‌ను నిర్వ‌హించేందుకు ప్ర‌ణాళిక‌లు ర‌చిస్తున్నారు. జాతీయ స్థాయి నేత‌ల‌కు కూడా ఆహ్వానించ‌నున్నారు. కొత్త పార్టీకి సంబంధించిన స‌మ‌గ్ర కార్యాచ‌ర‌ణ‌లో క‌విత‌తో పాటు ఆమె బృందం నిమ‌గ్న‌మై ఉంది. పార్టీ రూప‌క‌ల్ప‌న‌, విధివిధానాల వంటి కార్యాచ‌ర‌ణ‌లో నిత్యం ఆమె సీనియ‌ర్ల‌తో, మేధావుల‌తో, రాజ‌కీయ విశ్లేష‌కుల‌తో స‌మీక్ష‌లు చేస్తున్న‌ట్లు స‌మాచారం.

రాబోయే ఎన్నికల్లో సిద్దిపేట, బోధన్‌లో ఏదో ఒక‌చోటి నుంచి తాను పోటీ చేస్తానని క‌విత ప్ర‌క‌టించిన విష‌యం విదిత‌మే. సిద్దిపేటకు మొద‌టి ప్రాధాన్యత ఇస్తానని ఆమె స్ప‌ష్టం చేశారు.