Harish Rao | బిడ్డ‌కు పాలిచ్చేందుకు కూడా అనుమ‌తించ‌క‌పోవ‌డం అత్యంత దారుణం

జ‌ర్న‌లిస్టు రేఖ సుదీర్ఘ విచార‌ణ‌పై హ‌రీశ్‌రావు ధ్వ‌జం

Harish Rao | త్రినేత్ర న్యూస్ : ఆరు నెలల పసిబిడ్డకు తల్లైన జర్నలిస్టు రేఖ( Journalist Rekha )ను 9 గంటలపాటు విచారించి, బిడ్డకు పాలిచ్చేందుకు కూడా అనుమతించకపోవడం అత్యంత దారుణం అని బీఆర్ఎస్ఎల్పీ డిప్యూటీ ఫ్లోర్ లీడ‌ర్ హ‌రీశ్‌రావు( Harish Rao ) ధ్వ‌జ‌మెత్తారు. పత్రికా స్వేచ్ఛను, మహిళల హక్కులను కాలరాసే ఇలాంటి చర్యలను సహించేది లేదు అని హెచ్చ‌రించారు. ఈ ఘటనపై కాంగ్రెస్ ప్రభుత్వం, తెలంగాణ డీజీపీ త‌క్ష‌ణ‌మే స‌మాధానం చెప్పాల‌ని డిమాండ్ చేశారు. జర్నలిస్ట్ రేఖపై పెట్టిన అక్రమ కేసును వెంటనే వెనక్కి తీసుకోవాలి అని హ‌రీశ్‌రావు డిమాండ్ చేశారు.