CM Revanth Reddy | 20న లండ‌న్‌లో ఎంఐఎం ఎమ్మెల్యే కుమార్తె పెళ్లి.. హాజ‌రు కానున్న సీఎం రేవంత్ రెడ్డి

CM Revanth Reddy | త్రినేత్ర‌.న్యూస్ : ఈ నెల 20న సీఎం రేవంత్ రెడ్డి లండ‌న్ ప‌ర్య‌ట‌న‌కు బ‌య‌ల్దేరి వెళ్ల‌నున్నారు. ఆ రోజు సాయంత్రం 6 గంట‌ల‌కు లండ‌న్‌లో జ‌రిగే ఎంఐఎం పార్టీ ఎమ్మెల్యే కుమార్తె వివాహానికి సీఎం రేవంత్ రెడ్డి త‌న కుటుంబ స‌భ్యుల‌తో క‌లిసి హాజ‌రు కానున్నారు. 24వ తేదీ వ‌ర‌కు లండ‌న్‌లోనే సీఎం బ‌స చేయ‌నున్నారు. ఆ రోజు రాత్రి లండ‌న్ నుంచి అమెరికాకు వెళ్ల‌నున్నారు. 30వ తేదీ వ‌ర‌కు అమెరికాలోనే సీఎం రేవంత్ త‌న కుటుంబ స‌భ్యుల‌తో ఉండ‌నున్నారు.

మ‌రికాసేప‌ట్లో ఢిల్లీకి సీఎం రేవంత్

ముఖ్య‌మంత్రి రేవంత్ రెడ్డి మంగ‌ళ‌వారం రాత్రికి ఢిల్లీ ప‌ర్య‌ట‌న‌కు బ‌య‌ల్దేరి వెళ్ల‌నున్నారు. బుధ‌వారం ఢిల్లీలో జ‌రిగే కాంగ్రెస్ పార్టీ వ‌ర్కింగ్ క‌మిటీ స‌మావేశంలో సీఎం రేవంత్ పాల్గొననున్నారు. ఈ స‌మావేశంలో సీఎంతో పాటు పీసీసీ చీఫ్ మ‌హేశ్ కుమార్ గౌడ్‌, మంత్రులు ఉత్త‌మ్ కుమార్ రెడ్డి, దామోద‌ర రాజ‌న‌ర్సింహ‌, వంశీచంద‌ర్ రెడ్డిలు కూడా పాల్గొననున్నారు.