Harish Rao | ప్రొఫెస‌ర్ నాగేశ్వ‌ర్‌పై కేసులు న‌మోదు స‌రికాదు : హ‌రీశ్‌రావు

Harish Rao | త్రినేత్ర‌.న్యూస్ : మాజీ ఎమ్మెల్సీ, ప్రొఫెస‌ర్ నాగేశ్వ‌ర్ తాను చేసిన వ్యాఖ్యలను బేషరతుగా ఉపసంహరించుకుంటున్నట్లు ప్రకటించినప్పటికీ కక్షపూరిత ధోరణితో కేసులు నమోదు చేసి వేధించడం సరికాదు అని బీఆర్ఎస్ఎల్పీ డిప్యూటీ ఫ్లోర్ లీడ‌ర్ హ‌రీశ్‌రావు పేర్కొన్నారు. వెంటనే ఈ కేసులను ఉపసంహరించుకోవాలని ఏపీ ప్రభుత్వాన్ని కోరుతున్నానని ఆయ‌న తెలిపారు.

ఏపీ డిప్యూటీ సీఎం పవన్‌ కల్యాణ్‌, మంత్రి నాదెండ్ల మనోహర్‌, కేంద్ర హోంమంత్రి అమిత్‌షాలపై నాగేశ్వర్‌ అనుచిత, నిరాధార వ్యాఖ్యలు చేశారని జనసేన నేతల ఫిర్యాదుతో కాకినాడ జిల్లా ఇంద్రపాలెం పీఎస్‌లో ప్రొఫెసర్‌ నాగేశ్వర్‌పై ఈ కేసు నమోదైంది.

రీసెంట్‌గా ఓ టీవీ చానల్‌ డిబేట్‌లో పాల్గొన్న ప్రొఫెసర్‌ నాగేశ్వర్‌ ఏపీ రాజకీయాలపై గతంలో పవన్‌ కల్యాణ్‌, నాదెండ్ల మనోహర్‌ కలిసి ఢిల్లీలో కేంద్ర హోంమంత్రి అమిత్‌షాను కలిశారని, ఆ సమయంలో వైఎస్‌ జగన్‌ను అరెస్ట్‌ చేయాలని వారిపై ఒత్తిడి వస్తుందని చెప్పినట్టు సంచలన వ్యాఖ్యలు చేశారు. ఈ వ్యాఖ్యలపై ఓ టీవీ చానల్‌ డిబేట్‌లో నాగేశ్వర్‌ మాట్లాడుతూ.. బేషరతుగా తన వ్యాఖ్యలను ఉపసంహరించుకుంటున్నట్టు ప్రకటించారు.