MLC Dasoju Sravan | ఏఈఈ పరీక్షలను రీషెడ్యూల్ చేయాలి: దాసోజు శ్ర‌వ‌ణ్‌

MLC Dasoju Sravan | త్రినేత్ర న్యూస్: టీజీపీఎస్‌సీ ఏఈఈ ప‌రీక్ష‌ల‌ను రీషెడ్యూల్ చేయాల‌ని బీఆర్ఎస్ ఎమ్మెల్సీ దాసోజు శ్ర‌వ‌ణ్ కోరారు.
నవంబర్ 6, 7 తేదీల్లో టీజీపీఎస్‌సీ ఏఈఈ (TGPSC AEE, R&B) పరీక్షలు, అదే సమయంలో సెంట్రల్ లెవల్ ఎస్ఎస్సీ జేఈ (SSC JE) పరీక్షలు ఉండటం వల్ల వేలాది మంది సివిల్ ఇంజినీరింగ్ నిరుద్యోగుల భవితవ్యం అయోమయంలో పడిందన్నారు. ఈమేర‌కు దాసోజు శుక్ర‌వారం ఎక్స్ వేదిక‌గా పోస్టు చేశారు.

ఆ నోటిఫికేష‌న్లు రావ‌డ‌మే అరుదు

ఏళ్ల తరబడి కష్టపడి ప్రిపేర్ అయితే, ఇప్పుడు ఏ పరీక్ష రాయాలో తేల్చుకోలేక అభ్యర్థులు మానసిక క్షోభను అనుభవిస్తున్నారు. ఇలాంటి నోటిఫికేషన్లు రావడమే అరుదు. అలాంటిది ఒకే తేదీల్లో పెట్టి అభ్యర్థుల అవకాశాలను లాక్కోవడం ఎంతవరకు సమంజసం? దయచేసి విద్యార్థుల భవిష్యత్తును దృష్టిలో ఉంచుకుని వెంటనే టీజీపీఎస్‌సీ ఏఈఈ పరీక్షలను రీషెడ్యూల్ చేయాలని విజ్ఞప్తి చేస్తున్నాం అని దాసోజు పేర్కొన్నారు.