Road Accident | రోడ్డుపై ఆగి ఉన్న లారీని ఢీకొన్న ఆర్టీసీ బస్సు.. 20 మంది ప్ర‌యాణికుల‌కు గాయాలు

Road Accident | త్రినేత్ర న్యూస్‌: రంగారెడ్డి జిల్లా అబ్దుల్లాపూర్‌మెట్ (Abdullapurmet) మండలం బాటసింగారంలో రోడ్డు ప్రమాదం (Road Accident) చోటుచేసుకుంది. జాతీయ‌ర‌హ‌దారిపై ఆగి ఉన్న లారీని ఆర్టీసీ బస్సు (RTC Bus) ఢీకొట్టింది. దీంతో బ‌స్సులో ఉన్న 20 మంది ప్ర‌యాణికులు గాయ‌ప‌డ్డారు. స‌మాచారం అందుకున్న పోలీసులు ఘ‌ట‌నా స్థ‌లానికి చేరుకుని సహాయ‌క‌చ‌ర్య‌లు చేప‌ట్టారు.

క్ష‌త‌గాత్రుల‌ను ద‌వాఖాన‌కు త‌ర‌లించారు. ప్రమాద సమయంలో బస్సులో 40 మంది ప్రయాణికులు ఉన్నారు. బ‌స్సు ఖ‌మ్మం నుంచి హైద‌రాబాద్ వ‌స్తుండ‌గా ప్ర‌మాదం జ‌రిగింద‌ని పోలీసులు వెల్ల‌డించారు. ప్రాణ‌న‌ష్టం త‌ప్ప‌డంతో అంతా ఊపిరి పీల్చుకున్నారు. కాగా, ప్ర‌మాదానికి సంబంధించి పూర్తి వివ‌రాలు తెలియాల్సి ఉంది.