Virat Kohli | కోహ్లీ మరో చరిత్ర.. వన్డేల్లో 15 వేల పరుగులు.. స‌చిన్ రికార్డుపైనే క‌న్ను..!

Virat Kohli | టీమిండియా స్టార్ బ్యాటర్ విరాట్ కోహ్లీ మరో అరుదైన ఘనతను సొంతం చేసుకున్నాడు. వెస్టిండీస్‌తో జరిగిన తొలి వన్డేలో 59 పరుగులు చేయడం ద్వారా వన్డే క్రికెట్‌లో 15 వేల పరుగుల మైలురాయిని అందుకున్నాడు. తద్వారా ఈ ఫీట్ సాధించిన రెండో బ్యాటర్‌గా నిలిచాడు. కోహ్లీ కంటే ముందు క్రికెట్ దిగ్గజం సచిన్ టెండూల్కర్ మాత్రమే ఈ ఘనత సాధించాడు. అయితే, ఈ మైలురాయిని కోహ్లీ మరింత వేగంగా చేరుకోవడం విశేషం. 303 ఇన్నింగ్స్‌ల్లోనే 15 వేల పరుగులు పూర్తి చేసిన కోహ్లీ.. సచిన్ కంటే ఏకంగా 74 ఇన్నింగ్స్ ముందే ఈ మార్క్‌ను అందుకున్నాడు. సచిన్ 377 ఇన్నింగ్స్‌ల్లో ఈ ఘనత సాధించాడు. దీంతో వన్డేల్లో 15 వేల పరుగుల మైలురాయిని అత్యంత వేగంగా చేరుకున్న బ్యాటర్‌గా కోహ్లీ రికార్డు సృష్టించాడు.

18,426 పరుగులే టార్గెట్..

వన్డేల్లో అత్యధిక పరుగుల రికార్డు సచిన్ టెండూల్కర్ పేరిటే ఉంది. సచిన్ తన కెరీర్‌లో 18,426 పరుగులు సాధించాడు. తాజాగా 15వేల పరుగుల క్లబ్‌లో చేరిన కోహ్లీ.. ఇప్పుడు సచిన్ ఆల్‌టైమ్ రికార్డుపై కన్నేశాడు. ఇప్పటికే 13వేల వన్డే పరుగుల మైలురాయిని కోహ్లీ సచిన్ కంటే వేగంగా అందుకున్నాడు. 2023లో 267 ఇన్నింగ్స్‌ల్లోనే 13వేల పరుగులు పూర్తి చేశాడు. సచిన్ ఈ ఘనతను 321 ఇన్నింగ్స్‌ల్లో సాధించాడు. ఇప్పుడు 15 వేల పరుగుల విషయంలోనూ సచిన్‌ను అధిగమించిన కోహ్లీ.. వన్డేల్లో తన రికార్డు జోరును కొనసాగిస్తున్నాడు.