Navratri Brahmotsavam | హనుమంత వాహనంపై కోదండ రాముడు.. పుష్పక విమానంపై గోవర్ధనగిరిధారి

01/70

Navratri Brahmotsavam | తిరుమల శ్రీవారి నవరాత్రి బ్రహ్మోత్స‌వాలు నేత్ర‌ప‌ర్వంగా సాగుతున్నాయి. ఉత్స‌వాల్లో ఆరో రోజైన శ‌నివారం ఉదయం హనుమంత వాహనంపై కోదండ రాముడి అలంకారంలో శ్రీ మలయప్పస్వామివారు భక్తులకు దర్శనమిచ్చారు.

02/70

ధనుస్సు, బాణం ధరించి హనుమంతుడిపై ఊరేగుతూ స్వామివారు భక్తులను అనుగ్రహించారు. వాహనం ముందు భక్తులు చెక్కభజనలు, కోలాటాలతో సందడి చేయగా.. మంగళవాయిద్యాల నడుమ సేవ వైభవంగా సాగింది.

03/70

అడుగడుగునా భక్తులు కర్పూర హారతులు సమర్పించి శ్రీ‌రాముడిలా ద‌ర్శ‌న‌మిచ్చిన మ‌ల‌య‌ప్ప‌స్వామిని దర్శించుకున్నారు.

04/70

సాయంత్రం పుష్పక విమానంపై రుక్మిణి, సత్యభామ సమేతంగా గోవర్ధనగిరిధారి శ్రీకృష్ణుడి అలంకారంలో మలయప్పస్వామివారు అభయమిచ్చారు.

06/70

అత్యంత సుందరంగా అలంకరించిన పుష్పక విమానంపై స్వామివారి దివ్యమంగళ రూపం భక్తులను విశేషంగా ఆకట్టుకుంది.

07/70

కొబ్బరి ఆకులతో రూపొందించిన ఈ విమానం 24 అడుగుల ఎత్తు, 15 అడుగుల పొడవు, 15 అడుగుల వెడల్పుతో ప్రత్యేక ఆకర్షణగా నిలిచింది.

08/70

వివిధ రకాల సంప్రదాయ పుష్పాలతో అలంకరించిన విమానంపై ఇరువైపులా ఆంజనేయస్వామి, గరుత్మంతుడు, నాలుగు యుగాలకు చెందిన దేవతామూర్తుల రూపాలను తీర్చిదిద్దారు.

09/70

అధిక మాసం సందర్భంగా మూడేళ్లకోసారి నిర్వహించే నవరాత్రి బ్రహ్మోత్సవాల్లో పుష్పక విమానసేవకు ప్రత్యేక ప్రాధాన్యం ఉన్న‌ది.

10/70

ఉదయం కోదండ రాముడిగా.. సాయంత్రం గోవర్ధనగిరిధారిగా స్వామివారు దర్శనమివ్వడంతో తిరుమల భక్తిభావంతో పరవశించింది.