Naga Chaitanya | వృష‌క‌ర్మ ఈవెంట్‌లో నాగ‌చైత‌న్య‌కు త‌ప్పిన ప్ర‌మాదం – అస‌లేం జ‌రిగిందంటే?

Naga Chaitanya | వృష‌క‌ర్మ మూవీ ఈవెంట్‌లో నాగ‌చైత‌న్య‌కు ప్ర‌మాదం త‌ప్పింది. ఈ మూవీ గ్లింప్స్‌ను గురువారం రిలీజ్ చేశారు. హైద‌రాబాద్‌ ప్ర‌సాద్ ఐమాక్స్‌లోని పీసీఎక్స్ స్క్రీన్‌లో ఈవెంట్‌ను నిర్వ‌హించారు. స్టేజ్‌పై సినిమా యూనిట్ మెంబ‌ర్స్ కోసం కుర్చీలు వేశారు. ఓ కుర్చీలో నాగ‌చైత‌న్య కూర్చొగానే అది వంగిపోయింది. దాంతో నాగ‌చైత‌న్య వెన‌క్కి ప‌డిపోయారు. ద‌ర్శ‌కుడితో పాటు సెక్యూరిటీ సిబ్బంది వ‌చ్చి నాగ‌చైత‌న్య‌ను లేపారు. ఈ సంఘ‌న‌ట‌తో అభిమానుల‌తో పాటు యూనిట్ స‌భ్యుల‌ను క‌ల‌వ‌ర‌పాటుకు గుర‌య్యారు. నాగ‌చైత‌న్య‌కు దెబ్బ‌లు త‌గిలి ఉండ‌వ‌చ్చ‌ని కంగారు ప‌డ్డారు. కానీ తాను సేఫ్ అంటూ నాగ‌చైత‌న్య చెప్పారు. ప్రెస్‌మీట్‌ను కంటిన్యూ చేశారు.
ఈ క్ర‌మంలో సిబ్బందిపై నాగ‌చైత‌న్య అసహ‌నం వ్య‌క్తం చేశారు. అక్కినేని ఫ్యాన్స్ కూడా ప్ర‌సాద్ ఐమాక్స్ సిబ్బందిని తెగ ట్రోల్ చేస్తున్నారు.

హాలీవుడ్ లెవెల్‌లో...

వృష‌క‌ర్మ గ్లింప్స్ హార‌ర్ ఎలిమెంట్స్‌తో ఆస‌క్తిని పంచుతోంది. ఈ మూవీకి విరూపాక్ష ఫేమ్ కార్తీక్ దండు ద‌ర్శ‌క‌త్వం వ‌హిస్తున్నారు. ఇందులో అర్జున్‌గా స్టైలిష్ క‌మ్ ప‌వ‌ర్‌ఫుల్ క్యారెక్ట‌ర్‌లో నాగ‌చైత‌న్య క‌నిపించ‌బోతున్నారు. అతీంద్రియ శ‌క్తిని అర్జున్ ఎలా ఎదురించాడు? అనే అంశాల‌తో ఈ మూవీ తెర‌కెక్కుతోన్న‌ట్లు గ్లింప్స్ చూస్తుంటే తెలుస్తోంది. విజువ‌ల్స్‌, బీజీఎమ్‌, స్పెష‌ల్ ఎఫెక్ట్స్ హాలీవుడ్ స్థాయిలో ఉన్నాయి.

మీనాక్షి చౌద‌రి హీరోయిన్‌...

వృష‌క‌ర్మ‌లో మీనాక్షి చౌద‌రి హీరోయిన్‌గా న‌టిస్తోంది. బాలీవుడ్ న‌టుడు స్ప‌ర్శ్ శ్రీవాస్త‌వ విల‌న్‌గా న‌టిస్తోన్న ఈ మూవీలో మ‌ల‌యాళ న‌టుడు జ‌య‌రామ్ ఓ కీల‌క పాత్ర పోషిస్తున్నారు. సుకుమార్‌తో క‌లిసి సీనియ‌ర్ ప్రొడ్యూస‌ర్ బీవీఎస్ఎన్ ప్ర‌సాద్ ఈ సినిమాను నిర్మిస్తున్నారు. అజ‌నీష్ లోక‌నాథ్ మ్యూజిక్ అందిస్తున్నాడు.

https://x.com/TeluguScribe/status/2029504393897517381