NIC Recruitment | నేష‌న‌ల్ ఇన్ఫర్మాటిక్స్ సెంట‌ర్‌లో టెక్నిక‌ల్ అసిస్టెంట్లు..

NIC Recruitment | త్రినేత్ర‌.న్యూస్‌: కేంద్ర స‌మాచార‌, సాంకేతిక శాఖ ఆధ్వ‌ర్యంలో ప‌నిచేసే నేష‌న‌ల్ ఇన్ఫ‌ర్మాటిక్స్ సెంట‌ర్ (NIC) వివిధ విభాగాల్లో ఖాళీగా ఉన్న ఉద్యోగాలను భ‌ర్తీ చేస్తున్న‌ది. మొత్తం 376 సైంటిఫిక్, టెక్నిక‌ల్ అసిస్టెంట్ పోస్టుల‌తో నోటిఫికేష‌న్ (NIC Recruitment) విడుద‌ల చేసింది. ఆస‌క్తి క‌లిగిన‌వారు సెప్టెంబ‌ర్ 30 వ‌ర‌కు recruitment.nic.in. వెబ్‌సైట్‌లో ద‌ర‌ఖాస్తు చేసుకోవ‌చ్చు. గేట్ స్కోర్ (GATE score) ఆధారంగా అభ్య‌ర్థుల‌ను ఎంపిక చేస్తారు. ఎంపికైన‌వారికి ప్ర‌తినేల రూ.35,400 నుంచి రూ.1,12,400 వ‌ర‌కు జీతం అందుతుంది.

మొత్తం పోస్టులు: 376

ఇందులో కంప్యూట‌ర్ సైన్స్ అండ్ ఇన్ఫ‌ర్మేష‌న్ టెక్నాల‌జీ- 300 (జ‌న‌ర‌ల్ 122, ఎస్సీ 45, ఎస్టీ 22, బీసీ 81, ఈడ‌బ్ల్యూఎస్ 30)
ఎల‌క్ట్రానిక్స్ అండ్ కమ్యూనికేష‌న్ ఇంజినీరింగ్‌- 26 (జ‌న‌ర‌ల్ 13, ఎస్సీ 3, ఎస్టీ 1, బీసీ 7, ఈడ‌బ్ల్యూఎస్ 2)
డాటా సైన్స్ అండ్ ఆర్టిఫిషియ‌ల్ ఇంటెలిజెన్స్‌- 50 (జ‌న‌ర‌ల్ 22, ఎస్సీ 7, ఎస్టీ 3, బీసీ 13, ఈడ‌బ్ల్యూఎస్ 5)

అర్హ‌త‌: ఎల‌క్ట్రానిక్స్ అండ్ క‌మ్యూనికేష‌న్‌, ఎల‌క్ట్రానిక్స్‌, ఎల‌క్ట్రానిక్స్ అండ్ టెలిక‌మ్యూనికేష‌న్‌, కంప్యూట‌ర్ సైన్సెస్‌, కంప్యూట‌ర్ అండ్ నెట్‌వ‌ర్కింగ్ సెక్యూరిటీ, సాఫ్ట్‌వేర్ సిస్ట‌మ్‌, ఇన్ఫర్మేష‌న్ టెక్నాల‌జీ, ఇన్ఫ‌ర్మాటిక్స్ ఎమ్మెస్సీ, ఎంఎస్‌, ఎంసీఏ, బీఈ, బీటెక్ చేసి ఉండాలి. 2024, 2025, 2026లో గేట్ వ్యాలిడ్ స్కోర్ క‌లిగి ఉండాలి. అభ్య‌ర్థులు 30 ఏండ్ల లోపువారై ఉండాలి.

ఎంపిక విధానం: గేట్ స్కోర్ ఆధారంగా..
ద‌ర‌ఖాస్తు ప్ర‌క్రియ‌: ఆన్‌లైన్‌లో
అప్లికేష‌న్ ఫీజు: రూ.800, ఎస్సీ, ఎస్టీ, పీడ‌బ్ల్యూడీ, మ‌హిళా అభ్య‌ర్థుల‌కు ఎలాంటి ఫీజు లేదు.
ద‌ర‌ఖాస్తుల‌కు చివ‌రితేదీ: సెప్టెంబ‌ర్ 30
వెబ్‌సైట్‌: www.recruitment.nic.in