BJP TVK Alliance | 80 సీట్లు.. ఉప ముఖ్య‌మంత్రి ప‌ద‌వి.. విజ‌య్‌కి బీజేపీ ఆఫ‌ర్‌!

BJP TVK Alliance | త్రినేత్ర‌.న్యూస్‌: త‌మిళ‌నాడులో (Tamil Nadu) స‌రికొత్త పొత్తుల‌కు తెర లేవ‌నుందా?. అధికార డీఎంకేకు ఈ సారి ఓట‌మి త‌ప్ప‌దా?. రాజ‌కీయ నాయ‌కుడిగా మారిన విజ‌య్ ఈ ఎన్నిక‌ల్లో కింగ్‌పిన్‌గా మార‌నున్నాడా?. అంటే అవున‌నే అంటున్నాయి బీజేపీ వ‌ర్గాలు. అందుకే ఆ పార్టీ విజ‌య్ (Vijay) త‌మిళ‌గ వెట్రి క‌జ‌గంతో (TVK) జ‌ట్టుక‌ట్టేందుకు సిద్ధ‌మ‌వుతున్న‌ట్లు తెలుస్తున్న‌ది. గెలుపోట‌ముల మ‌ధ్య తేడా స్వ‌ల్ప‌ ఓటు శాత‌మే ఉంటుంద‌ని భావిస్తున్న కాషాయ పార్టీ.. విజ‌య్ అభిమాన బ‌లంతో ఈ రాష్ట్రంలో అధికారం ద‌క్కించుకోవాల‌ని భావిస్తున్న‌ది. ఈ నేప‌థ్యంలో ఇరు పార్టీల మ‌ధ్య పొత్తుపై చ‌ర్చ‌లు ఒక కొలిక్కి వ‌చ్చిన‌ట్లు తెలుస్తున్న‌ది.

టీవీకేకు 80 స్థానాలు, విజ‌య్‌కి ఉప ముఖ్య‌మంత్రి ప‌ద‌విని ఆఫ‌ర్ చేసిన‌ట్లు విస్తృతంగా ప్ర‌చారం జ‌రుగుతున్న‌ది. ఒక‌వేళ ఈ చ‌ర్చ‌లు విజ‌య‌వంత‌మై, పొత్తు కార్య‌రూపం దాలిస్తే రాజ‌కీయ స‌మీక‌ర‌ణాలు మారిపోనున్నాయి. అయితే టీవీకే వ‌ర్గాలు మాత్రం విజ‌య్ ముఖ్య‌మంత్రి ప‌ద‌విపైనే దృష్టి సారించిన‌ట్లు వెల్ల‌డించాయి. ఈ అంశంపైనే ఇరు వ‌ర్గాల మ‌ధ్య ప్ర‌తిష్టంభ‌న‌కు దారితీసిన‌ట్లు తెలుస్తున్న‌ది. అయిన‌ప్ప‌టికీ ఎలాగైనా బీజేపీ గొడుకు కిందకి విజ‌య‌న్ తీసుకురావాల‌నుకుంటున్న ఆ పార్టీ ప్ర‌య‌త్నాలు ముమ్మ‌రం చేసిన‌ట్లు స‌మాచారం.

కాగా, తాము బీజేపీతో చేతులు క‌లిపే అవ‌కాశం లేద‌ని ఇప్ప‌టికే ప్ర‌క‌టించిన విజ‌య్‌.. మ‌ళ్లీ ఆ పార్టీతో కలిసి న‌డువ‌నున్న‌ట్లు ప్ర‌చారం జ‌రుగుతుండ‌టం గ‌మ‌నార్హం. క‌రూర్ తొక్కిస‌లాట ఘ‌ట‌న‌లో ఢిల్లీలో సీబీఐ విచార‌ణ‌కు విజ‌య్ హాజ‌రుకానున్న నేప‌థ్యంలో పొత్తుకు సంబంధించి లీకులు రావ‌డం రాయ‌కీయ వ‌ర్గాల్లో చ‌ర్చ‌నీయాంశ‌మైంది.