Traffic restrictions | రేపు హైద‌రాబాద్‌లో ట్రాఫిక్ ఆంక్ష‌లు.. ఆ మార్గాల్లో అస‌లు వెళ్ల‌కండి..

Traffic restrictions | త్రినేత్ర‌.న్యూస్ : ఈ నెల 6న ఇందిరా పార్కులోని ధ‌ర్నా చౌక్ వ‌ద్ద దివ్యాంగులు, రైతులు, ప్ర‌జా సంఘాలు క‌లిసి మ‌హాధ‌ర్నా నిర్వ‌హించ‌నున్నారు. అంతేకాకుండా ట్యాంక్ బండ్ పాత అంబేద్క‌ర్ విగ్ర‌హం వ‌ద్ద సీఎం రేవంత్ రెడ్డి బ‌హిరంగ స‌భ‌లో పాల్గొన‌నున్నారు. ఈ నేప‌థ్యంలో ఇందిరా పార్క్, ఆర్టీసీ క్రాస్ రోడ్స్, స‌చివాల‌యంతో పాటు ప‌లు ప్రాంతాల్లో ట్రాఫిక్ ఆంక్ష‌లు విధించ‌నున్న‌ట్లు ట్రాఫిక్ పోలీసులు వెల్ల‌డించారు. ఈ ఆంక్ష‌లు ఆదివారం మ‌ధ్యాహ్నం 2 గంట‌ల నుంచి రాత్రి 8 గంట‌ల వ‌ర‌కు అమ‌ల్లో ఉంటాయ‌న్నారు.

ట్రాఫిక్ మ‌ళ్లింపులు ఇలా..

• నల్లకుంట నుండి స్టీల్ బ్రిడ్జ్ వైపు వచ్చే ట్రాఫిక్‌ను కట్టమైసమ్మ వైపు అనుమతించరు. ఈ వాహనాలను అజామాబాద్ ఎక్స్ రోడ్ వద్ద వీఎస్టీ ఎక్స్ రోడ్ వైపు మళ్లిస్తారు.
• ఆర్టీసీ ఎక్స్ రోడ్ నుంచి ఇందిరా పార్కు వైపు వ‌చ్చే వాహ‌నాల‌ను అశోక్ న‌గ‌ర్ ఎక్స్ రోడ్స్ వ‌ద్ద హిమాయ‌త్‌న‌గ‌ర్ స్ట్రీట్ నంబ‌ర్ 8 లేదా బ‌కారం బ్రిడ్జి, క‌వాడిగూడ వైపు మ‌ళ్లిస్తారు.
• కర్బలా వైపు నుండి అప్పర్ ట్యాంక్ బండ్ వైపు వచ్చే ట్రాఫిక్‌ను సెయిలింగ్ క్లబ్ వద్ద కవాడిగూడ – గాంధీనగర్ టి-జంక్షన్ – డీబీఆర్ మిల్స్ – లోయర్ ట్యాంక్ బండ్ వైపు మళ్లిస్తారు.
• బీజేఆర్ విగ్ర‌హం నుంచి పాత అంబేద్క‌ర్ విగ్ర‌హం, ట్యాంక్ బండ్ వైపు వెళ్లే వాహ‌నాల‌ను లిబ‌ర్టీ టీ జంక్ష‌న్ వ‌ద్ద హిమాయ‌త్ న‌గ‌ర్ వైపు మ‌ళ్లించ‌నున్నారు.
• హిమాయత్‌నగర్ నుండి పాత అంబేడ్కర్ విగ్రహం, సెక్రటేరియట్ వైపు వెళ్లే ట్రాఫిక్‌ను అంబేడ్కర్ విగ్రహం వైపు అనుమతించరు. ఈ వాహనాలను బషీర్‌బాగ్ ఎక్స్ రోడ్ / హైదరాబాద్ ట్రాఫిక్ పోలీస్ కాంప్లెక్స్ వైపు మళ్లిస్తారు.
• ఇక్బాల్ మినార్ నుండి లిబర్టీ జంక్షన్ వైపు వెళ్లే ట్రాఫిక్‌ను లిబర్టీ జంక్షన్ వైపు అనుమతించరు. ఈ వాహనాలను పాత అంబేడ్కర్ జంక్షన్ వద్ద అప్పర్ ట్యాంక్ బండ్ వైపు మళ్లిస్తారు.