Traffic Restrictions | రేపు హైద‌రాబాద్‌లో ట్రాఫిక్ ఆంక్ష‌లు.. ఆ మార్గాల్లో అస‌లు వెళ్ల‌కండి..!

Traffic Restrictions | త్రినేత్ర‌.న్యూస్ : ఈ నెల 9వ తేదీన రాష్ట్ర ప్ర‌భుత్వం సికింద్రాబాద్ ప‌రేడ్ గ్రౌండ్స్‌లో మ‌హిళా స‌ద‌స్సు పేరిట బ‌హిరంగ స‌భ నిర్వ‌హించ‌నుంది. మ‌హిళా స‌ద‌స్సు నేప‌థ్యంలో ట్రాఫిక్ పోలీసులు ఆంక్ష‌లు విధించారు. ప్ర‌త్యేక మ‌ళ్లింపులు చేప‌ట్ట‌నున్నారు. ఈ క్ర‌మంలో ప‌రేడ్ గ్రౌండ్ ప‌రిస‌ర ప్రాంతాల్లో మ‌ధ్యాహ్నం 2 గంట‌ల నుంచి రాత్రి 9 గంట‌ల వ‌ర‌కు ట్రాఫిక్ ఆంక్ష‌లు అమ‌ల్లో ఉంటాయ‌ని పోలీసులు తెలిపారు.

ఈ నేప‌థ్యంలో సికింద్రాబాద్, ప‌రేడ్ గ్రౌండ్, జేబీఎస్, ప్యార‌డైజ్, ప్యాట్నీ మార్గాల్లో వెళ్లే ప్ర‌యాణికులు, వాహ‌న‌దారులు ప్ర‌త్యామ్నాయ మార్గాల‌ను ఎంపిక చేసుకోవాల‌ని సూచించారు. ట్రాఫిక్ రద్దీని నివారించేందుకు ప్రత్యామ్నాయ మార్గాలను వినియోగించాలని, ప్రజలు సహకరించాలని విజ్ఞప్తి చేశారు.

ఆ ర‌హ‌దారి మూసివేత‌

మ‌హిళా స‌దస్సు నేప‌థ్యంలో టీవోలీ క్రాస్ రోడ్స్ నుంచి ప్లాజా క్రాస్ రోడ్స్ వ‌ర‌కు ర‌హ‌దారి మూసివేయ‌బ‌డుతుంది. హెల్ప్‌లైన్ కోసం 8712662999 నంబ‌ర్‌ను సంప్ర‌దించొచ్చు. సాధ్య‌మైనంత వ‌ర‌కు మెట్రో సేవ‌ల‌ను వినియోగించుకోవాల‌ని ప్ర‌యాణికుల‌కు పోలీసులు సూచించారు.