Regional Passport Office | 26న సికింద్రాబాద్ రీజిన‌ల్ పాస్‌పోర్టు ఆఫీసు బంద్..!

Regional Passport Office | త్రినేత్ర‌.న్యూస్ : ఈ నెల 26న సికింద్రాబాద్ రీజిన‌ల్ పాస్ట్‌పోర్టు కార్యాల‌యం మూసివేయ‌నున్న‌ట్టు డిప్యూటీ పాప్‌పోర్ట్ అధికారి ఎల్ శ్రీనివాస్ రావు శుక్ర‌వారం అధికారికంగా ప్ర‌క‌టించారు. అడ్మినిస్ట్రేటివ్ పనుల కార‌ణంగా.. వ‌చ్చే గురువారం పాస్‌పోర్టుల‌కు సంబంధించి నిర్వ‌హించే వాక్ ఇన్‌ ఇంట‌ర్వ్యూలు నిలిపివేయ‌నున్న‌ట్టు ఆయ‌న తెలిపారు. ద‌ర‌ఖాస్తుదారులు ఈ విష‌యాన్ని గ్ర‌హించాల‌ని సూచించారు.

సికింద్రాబాద్‌లోని హైద‌రాబాద్ రీజిన‌ల్ పాస్‌పోర్టు ఆఫీస్ గ‌తేడాది జూన్‌లో ప్ర‌తిష్టాత్మక‌మైన జాతీయ అవార్డును గెలుచుకుంది. పాస్‌పోర్టు సేవ కేంద్రాల్లో వినూత్నంగా సిటిజ‌న్ ఫ్రెండ్లీ పాల‌సీల‌ను అమ‌లు చేసినందుకు గానూ జాతీయ అవార్డు వ‌రించింది. ఢిల్లీలో నిర్వ‌హించిన రీజిన‌ల్ పాస్‌పోర్టు ఆఫీస‌ర్స్ కాన్ఫ‌రెన్స్‌లో కేంద్ర మంత్రి పబిత్ర మార్గేరీటా చేతుల మీదుగా హైద‌రాబాద్ ఆర్పీవో ఆఫీస‌ర్ స్నేహ‌జ జొన్న‌ల‌గ‌డ్డ అందుకున్నారు. పాస్‌పోర్టు పొందడంతో పౌరులు ఎదుర్కొంటున్న స‌మ‌స్య‌ల ప‌రిష్క‌రించేందుకు ప్ర‌తి గురువారం సికింద్రాబాద్ పాస్‌పోర్టు కార్యాల‌యంలో ఫిర్యాదులు స్వీక‌రిస్తున్నారు. ఇలా వినియోగ‌దారుల స‌మ‌స్య‌ల‌ను ప‌రిష్క‌రించ‌డంలో చూపించిన చొర‌వ‌కు గానూ జాతీయ అవార్డు ల‌భించింది.