Hyderabad Police | పెప్పర్ స్ప్రే కొట్టి.. రూ. 25 లక్షలు దోపిడీ

Hyderabad Police | త్రినేత్ర న్యూస్ : నాంప‌ల్లి పోలీసు స్టేష‌న్ ప‌రిధిలో క్రిప్టో కరెన్సీ ఎక్స్ఛేంజ్ పేరుతో పెప్ప‌ర్ స్ప్రే కొట్టి రూ. 25 ల‌క్ష‌లు దోచుకున్న ఐదుగురు స‌భ్యుల ముఠాను పోలీసులు అరెస్టు చేశారు. నిందితుల నుంచి రూ. 11.50 ల‌క్ష‌ల న‌గ‌దుతో పాటు మూడు మొబైల్ ఫోన్ల‌ను స్వాధీనం చేసుకున్నారు. ఈ మేర‌కు కేసు వివ‌రాల‌ను ఖైర‌తాబాద్ డీసీపీ శిల్ప‌వ‌ల్లి మీడియాకు వెల్ల‌డించారు.

ఈ నెల 11న ఇండియ‌న్ క‌రెన్సీని క్రిప్టో క‌రెన్సీగా మారుస్తామ‌ని న‌మ్మించి బాధితుల‌ను రూ. 25 ల‌క్ష‌ల న‌గ‌దుతో నాంప‌ల్లిలోని ఓ కార్యాల‌యానికి పిలిపించారు. ఇక ప‌థ‌కం ప్ర‌కారం వారి క‌ళ్ల‌ల్లో పెప్ప‌ర్ స్ప్రే కొట్టి, దాడి చేసి రూ. 25 ల‌క్ష‌ల న‌గ‌దును దోచుకెళ్లారు.

బాధితులు నాంప‌ల్లి పోలీసుల‌కు ఫిర్యాదు చేయ‌గా, ప్ర‌త్యేక బృందాల‌తో ద‌ర్యాప్తు జ‌రిపి ఈ నెల 17న ఐదుగురు స‌భ్యుల ముఠాను అరెస్టు చేశారు. నిందితుల‌ను విజ‌య్ న‌గ‌ర్ కాల‌నీ వాసి స‌య్యద్ ఐజాజ్ అలియాస్ గోలీ అలియాస్ గల్లా కాటా ఐజాజ్(31), అత్తాపూర్ వాసి సయ్యద్ జకరియా అహ్మద్ అలియాస్ షాఫెజ్ (26), మ‌ల‌క్‌పేట వాసి సుమైర్ ఖాన్ (26), నిర్మ‌ల్ జిల్లాకు చెందిన గుగ్లోత్ విజేష్ కుమార్ (30), నాంప‌ల్లి బ‌జార్‌ఘాట్ వాసి ఎండి ఫరాజ్ హుస్సేన్ (31)గా గుర్తించారు. తెలియ‌ని మ‌హిళా వాయిస్‌తో కాల్ చేసిన వ్య‌క్తి, మ‌రో ఇద్ద‌రు ప‌రారీలో ఉన్నారు.