CP Sajjanar | చైనీస్ మాంజా.. మ‌న‌షుల పాలిట య‌మ‌శాపం : సీపీ స‌జ్జ‌నార్

CP Sajjanar | త్రినేత్ర‌.న్యూస్ : రాష్ట్ర రాజ‌ధాని హైద‌రాబాద్ న‌గ‌రంతో పాటు తెలంగాణ వ్యాప్తంగా చైనీస్ మాంజా విక్ర‌యాలు య‌థేచ్చ‌గా కొన‌సాగుతున్నాయి. ఈ చైనీస్ మాంజాపై నిషేధం విధించిన‌ప్ప‌టికీ.. వాటి విక్ర‌యాలు క‌ల‌క‌లం సృష్టిస్తున్నాయి. మూగ‌జీవాల ప్రాణాల‌తో పాటు మ‌న‌షుల‌ను ప్రాణాల‌ను సైతం బ‌లిగొంటున్నాయి. ఈ క్ర‌మంలో చైనీస్ మాంజా వినియోగంపై హైద‌రాబాద్ న‌గ‌ర పోలీసులు ప్ర‌త్యేక దృష్టి సారించారు. ఈ మేర‌కు న‌గ‌ర సీపీ సజ్జ‌నార్ కీల‌క సూచ‌న చేశారు.

చైనీస్ మాంజా యాడ అమ్మినా ఊకోకండి.. పోలీసులకు పక్కా సమాచారం ఇయ్యండి అని త‌న‌దైన శైలిలో ఎక్స్‌లో సజ్జ‌నార్ కోరారు. మీరు కొనకండి, పక్కోళ్లను కొననియ్యకండి అని సూచన చేశారు. చైనీస్ మాంజా దారం కాదు, అది మనుషుల పాలిట యమపాశం.. పక్షుల గొంతు కోసే రక్కసి అని పేర్కొన్నారు. ప్రభుత్వం నిషేధించిన ఆ మాంజాను వాడితే కఠిన చర్యలు తప్పవ్ అని సీపీ స‌జ్జ‌నార్ హెచ్చ‌రించారు.