Gold Diamond Ring | పెండ్లి వేడుక‌లో బంగారు వ‌జ్రాల ఉంగ‌రం మాయం.. ఈవెంట్ మేనేజ‌ర్‌పై..

Gold Diamond Ring | త్రినేత్ర‌.న్యూస్‌: హైద‌రాబాద్‌కు(Hyderabad) చెందిన ఓ మ‌హిళ‌ కుటుంబ స‌మేతంగా వివాహ వేడుక‌కు హాజ‌ర‌య్యింది. అక్క‌డ బంధువ‌లు, మిత్రుల‌తో స‌ర‌దాగా గ‌డిపారు. తీరా ఇంటికి వెళ్లిన త‌ర్వాత చూస్తే వేలికి బంగారు వ‌జ్రాల ఉంగ‌రం(Gold Diamond Ring) క‌నిపించ‌లేదు. దీంతో వేడుక జ‌రిగిన క‌న్వెన్ష‌న్ హాల్ నిర్వాహ‌కుల‌కు విష‌యం చెప్పారు. అది దొరికిన‌ప్ప‌టికీ సిబ్బంది నిర్ల‌క్ష్యంగా వ్య‌వ‌హ‌రించ‌డంతో ఆమె వ‌ద్ద‌కు చేర‌లేదు.

గ‌త నెల 22న జూబ్లీహిల్స్‌లోని పెద్దమ్మ‌గుడి స‌మీపంలో నివ‌సించే షీత‌ల్ అగ‌ర్వాల్ కుటుంబ స‌భ్యుల‌తో క‌లిసి నార్సింగ్‌లోని (Narsing) ఓ క‌న్వెన్ష‌న్ హాల్‌లో జ‌రిగిన వివాహ వేడుక‌కు హాజ‌ర‌య్యారు. ఆమె కుటుంబానికి చెందిన వారి బంగారు ఉంగ‌రం క‌నిపించ‌కుండా పోయింది. మ‌రుస‌టి రోజు గుర్తుతెలియ‌ని వ్య‌క్తి ఆ ఉంగరాన్ని క‌నుగొని, య‌జ‌మానికి అంద‌జేయాల‌ని క‌న్వెన్ష‌న్ హాల్ ఈవెంట్ మేనేజ‌ర్ (Event Manager) పంక‌జ్ శాస్త్రి అప్ప‌గించారు. బాధితురాలు బంగారు ఉంగరం కోసం అత‌డిని సంప్ర‌దించారు. అయితే తాను దానిని త‌న ఉద్యోగికి ఇచ్చాన‌ని, ఇప్పుడు అది క‌నిపించ‌డం లేద‌ని చెప్పారు. దీంతో బాధితురాలు ఈవెంట్ మేనేజ‌ర్‌పై పోలీసుల‌కు ఫిర్యాదు చేశారు. త‌న‌ విలువైన ఉంగ‌రం ఈవెంట్ మేనేజ‌ర్ నిర్ల‌క్ష్యంతో క‌నిపించ‌కుండా పోయింద‌ని ఆరోపించారు. ఈ ఘ‌ట‌న‌పై కేసు న‌మోదుచేసిన పోలీసులు ద‌ర్యాప్తు చేస్తున్నారు.