Hyderabad | సూరారంలో విషాదం.. నీళ్ల బకెట్లో చిన్నారి పడి మృతి..

Hyderabad | త్రినేత్ర న్యూస్ : ఆడుకుంటూ ఓ చిన్నారి ప్ర‌మాద‌వ‌శాత్తు నీటి బ‌కెట్‌లో ప‌డిపోయింది. దీంతో ఆ పాప ప్రాణాలు కోల్పోయింది. ఈ విషాద ఘ‌ట‌న సూరారం పోలీసు స్టేష‌న్ ప‌రిధిలోని పాండు బ‌స్తీలో చోటు చేసుకుంది.

బీహార్ రాష్ట్రానికి చెందిన ప‌ప్పూ ర‌విదాస్(45) త‌న భార్యాపిల్ల‌ల‌తో క‌లిసి పాండు బ‌స్తీలో నివాసం ఉంటున్నాడు. ర‌విదాస్ దంప‌తుల‌కు చాందిని కుమారి, దివాంశి కుమారి అనే ఇద్ద‌రు కుమార్తెలు ఉన్నారు. అయితే దివాంశి ఆడుకుంటూ ప్ర‌మాద‌వ‌శాత్తు నీటి బ‌కెట్‌లో ప‌డిపోయింది. గ‌మ‌నించిన చాందిని గ‌ట్టిగా కేక‌లు వేయ‌గా, స్థానికులు అప్ర‌మ‌త్త‌మై ఏడాదిన్న‌ర పాప‌ను ఆస్ప‌త్రికి త‌ర‌లిస్తుండ‌గానే ప్రాణాలు కోల్పోయింది. ఈ ఘ‌ట‌న‌పై కేసు న‌మోదు చేసుకున్న పోలీసులు ద‌ర్యాప్తు చేప‌ట్టారు.