Sai Pallavi | ధ‌నుష్ సినిమాలో సాయి పల్లవి షాకింగ్ రోల్‌ – లేడీ సింగంగా నాచురల్ బ్యూటీ

Sai Pallavi | కెరీర్ ఆరంభం నుంచి ట్రెడిష‌న‌ల్ రోల్స్‌, ప‌క్కింటి అమ్మాయి త‌ర‌హా పాత్ర‌ల్లోనే ఎక్కువ‌గా క‌నిపిస్తోంది సాయిప‌ల్ల‌వి. ఈ నాచుర‌ల్ బ్యూటీ పేరు చెప్ప‌గానే హెవీ ఎమోష‌న‌ల్ సీన్ల‌తో కూడిన సెంటిమెంట్ పాత్ర‌లు గుర్తొస్తాయి. గ‌త సినిమాల‌కు భిన్నంగా ఫ‌స్ట్ టైమ్ యాక్ష‌న్ రోల్ చేయ‌బోతుంది. ఓ త‌మిళ సినిమాలో ఖాకీ యూనిఫామ్‌లో క‌నిపించ‌బోతుంది సాయిప‌ల్ల‌వి.

ధ‌నుష్ పాన్ ఇండియ‌న్ మూవీ...

ధ‌నుష్ హీరోగా అమ‌ర‌న్ ఫేమ్ రాజ్‌కుమార్ పెరియాసామి ద‌ర్శ‌క‌త్వంలో ఓ పాన్ ఇండియ‌న్ మూవీ తెర‌కెక్కుతోంది. స్పై యాక్ష‌న్ థ్రిల్ల‌ర్‌గా రానున్న ఈ సినిమాలో సాయిప‌ల్ల‌వి, శ్రీలీల హీరోయిన్లుగా న‌టిస్తోన్నారు. మ‌ల‌యాళ న‌టుడు మ‌మ్ముట్టి ఓ కీల‌క పాత్ర పోషిస్తున్నారు. ధ‌నుష్ హీరోగా న‌టిస్తోన్న 55వ మూవీ ఇది. ఈ సినిమా షూటింగ్ ప్ర‌స్తుతం ఏపీలో జ‌రుగుతోంది.

లేడీ సింగం...

ఈ త‌మిళ సినిమాలో సాయిప‌ల్ల‌వి పోలీస్ ఆఫీస‌ర్‌గా క‌నిపించ‌నుంద‌ట‌. లేడీ సింగం త‌ర‌హాలో ప‌వ‌ర్‌ఫుల్‌గా ఆమె పాత్ర సాగుతుంద‌ని అంటున్నారు. రెగ్యుల‌ర్ హీరోయిన్‌లా కాకుండా యాక్ష‌న్ ప్ర‌ధానంగా సాయిప‌ల్ల‌వి క్యారెక్ట‌ర్‌ను ద‌ర్శ‌కుడు విభిన్నంగా రాసుకున్నార‌ట‌. ఇప్ప‌టివ‌ర‌కు సినిమాల్లో చూసిన సాయిప‌ల్ల‌వికి, ఇందులోని పాత్ర‌కు ఏ మాత్రం సంబంధం ఉండ‌ద‌ని అంటున్నారు. హీరో ధ‌నుష్‌కు ధీటుగా నాచుర‌ల్ బ్యూటీకి ఎలివేష‌న్లు, యాక్ష‌న్ సీన్లు ఉంటాయ‌ని చెబుతున్నారు.

త్వ‌ర‌లో షూటింగ్‌...

కెరీర్‌లో తొలిసారి సాయిప‌ల్ల‌వి పోలీస్ పాత్ర‌లో క‌నిపించ‌డ‌టంతో అభిమానుల్లో ఆస‌క్తిని రేకెత్తిస్తోంది. త్వ‌ర‌లోనే ఈ సినిమా షూటింగ్‌లో సాయిప‌ల్ల‌వి జాయిన్ కాబోతున్న‌ట్లు స‌మాచారం. పోలీస్‌ వ్య‌వ‌స్థ గొప్ప‌త‌నాన్ని ఆవిష్క‌రిస్తూ ద‌ర్శ‌కుడు రాజ్‌కుమార్ పెరియాసామి ఈ సినిమాను తెర‌కెక్కించ‌బోతున్నార‌ట‌. అమ‌ర‌న్ త‌ర‌హాలోనే య‌థార్థ ఘ‌ట‌న‌ల ఆధారంగా రూపొంద‌నున్న‌ట్లు స‌మాచారం.

ప‌రాశ‌క్తి త‌ర్వాత‌...

డీ 55 అనే వ‌ర్కింగ్ టైటిల్‌తో తెర‌కెక్కుతోన్న ఈ సినిమాకు సాయి అభ్యంక‌ర్ మ్యూజిక్ అందిస్తున్నాడు. దాదాపు 200 కోట్ల బ‌డ్జెట్‌తో ఈ సినిమా రూపొంద‌నున్న‌ట్లు స‌మాచారం. ప‌రాశ‌క్తి త‌ర్వాత త‌మిళంలో శ్రీలీల చేయ‌బోతున్న సెకండ్ మూవీ ఇది.