Varanasi Movie | యాభై భాష‌ల్లో మ‌హేష్‌బాబు వార‌ణాసి రిలీజ్‌ – రాజమౌళి ప్లానింగ్ వేరే లెవెల్‌

Varanasi Movie |  మ‌హేష్‌బాబు హీరోగా న‌టిస్తోన్న వార‌ణాసిని హాలీవుడ్ సినిమాల‌కు ధీటుగా రిలీజ్ చేయ‌బోతున్నారు డైరెక్ట‌ర్ రాజ‌మౌళి. ఈ సినిమాతో పాన్ వ‌ర‌ల్డ్‌ మార్కెట్‌పై క‌న్నేసిన జ‌క్క‌న్న ఇంగ్లీష్‌తో పాటు ప‌లు ప్ర‌పంచ భాష‌ల్లో ఈ సినిమాను విడుద‌ల చేసేందుకు చేస్తున్నారు.

రామాయ‌ణం...

టైమ్ ట్రావెల్ బ్యాక్‌డ్రాప్‌లో యాక్ష‌న్ అడ్వెంచ‌ర్ థ్రిల్ల‌ర్‌గా వార‌ణాసి తెర‌కెక్కుతోంది. ఇందులో రుద్ర అనే ఆర్కియాల‌జిస్ట్‌గా, శ్రీరాముడిగా మ‌హేష్‌బాబు క‌నిపించ‌బోతున్నారు. ఓ భారీ అస్ట‌రాయిడ్‌ కార‌ణంగా ఏర్ప‌డిన ముప్పు నుంచి భూమితో పాటు మాన‌వాళిని ఓ ధైర్య‌వంతుడైన ఆర్కియాల‌జిస్ట్ ఎలా కాపాడ‌ద‌నే అంశాల‌తో ఈ సినిమా రూపొందుతోన్న‌ట్లు ప్ర‌చారం జ‌రుగుతోంది. టైమ్ ట్రావెల్ ద్వారా రామాయ‌ణ కాలానికి అత‌డు ఎందుకు వెళ్లాల్సివ‌చ్చింద‌నే అంశాల‌తో వార‌ణాసి క‌థ సాగ‌నుంది.

హాలీవుడ్ స్టూడియోల‌తో...

వార‌ణాసి షూటింగ్ 90 శాతం వ‌ర‌కు పూర్త‌య్యింది. అక్టోబ‌ర్ నెలాఖ‌రుకు ఈ సినిమాకు మ‌హేష్‌బాబు ప్యాక‌ప్ చెప్ప‌బోతున్న‌ట్లు వార్త‌లొస్తున్నాయి. ప్ర‌స్తుతం ప్రీ ప్రొడ‌క్ష‌న్ ప‌నులు జ‌రుగుతోన్నాయి. ఈ సినిమా వీఎఫ్ఎక్స్‌, గ్రాఫిక్స్ ప‌నుల కోసం ప‌లు హాలీవుడ్ స్టూడియోల‌తో రాజ‌మౌళి డీల్ కుదుర్చుకున్నారు. కంప్లీట్ ఐ మాక్స్ ఫార్మెట్‌లో రాజ‌మౌళి ఈ సినిమాను చిత్రీక‌రిస్తున్నారు. ఈ ఫార్మెట్‌లో తెర‌కెక్కుతోన్న ఫ‌స్ట్ ఇండియ‌న్ మూవీగా వార‌ణాసి రికార్డ్ క్రియేట్ చేయ‌బోతుంది.

120 దేశాల్లో....యాభై భాష‌ల్లో రిలీజ్‌...

వ‌ర‌ల్డ్ సినిమా ల‌వ‌ర్స్‌కు వార‌ణాసిని చేరువ చేసేందుకు రాజ‌మౌళి పెద్ద ప్లాన్ వేసిన‌ట్లు స‌మాచారం. ఇండియాతో పాటు మొత్తం 120 దేశాల్లో ఈ సినిమాను రిలీజ్ చేయ‌బోతున్న‌ట్లు మేక‌ర్స్ వెల్ల‌డించారు. ఆయా దేశాల ఆడియెన్స్ వార‌ణాసిని త‌మ మాతృభాష‌లోనే చూసేలా దాదాపు యాభై భాష‌ల్లోకి ఈ సినిమాను డ‌బ్ చేయ‌బోతున్న‌ట్లు స‌మాచారం. ఏఐపై ఆధార‌ప‌డ‌కుండా వివిధ దేశాల‌కు చెందిన ఆర్టిస్ట్‌ల‌తోనే ఈ సినిమాకు డ‌బ్బింగ్ చెప్పించాల‌ని రాజమౌళి అనుకుంటున్న‌ట్లు తెలిసింది. ఏఐ వాడితే ఒరిజినాలిటీ మిస్స‌వుతుంద‌ని , విమ‌ర్శ‌లు వ‌చ్చే అవ‌కాశం ఉండ‌టంతోనే జ‌క్క‌న్న‌ ఈ ప్లాన్ వేసిన‌ట్లు స‌మాచారం. వివిధ దేశాల‌కు చెందిన మొత్తం 1500 మంది డ‌బ్బింగ్ ఆర్టిస్ట్‌ల‌తో రాజ‌మౌళి అండ్ టీమ్ డిస్క‌ష‌న్స్ జ‌రుపుతున్న‌ట్లు స‌మాచారం.

ప్రియాంక చోప్రా...

వ‌చ్చే ఏడాది ఏప్రిల్ 7న వార‌ణాసి ప్రేక్ష‌కుల ముందుకు రాబోతుంది. ఈ సినిమాలో గ్లోబ‌ల్ స్టార్ ప్రియాంక చోప్రా హీరోయిన్‌గా న‌టిస్తోంది. మ‌ల‌యాళ న‌టుడు పృథ్వీరాజ్ సుకుమార‌న్ విల‌న్‌గా క‌నిపించ‌బోతున్నాడు. ఆస్కార్ విన్న‌ర్ కీర‌వాణి మ్యూజిక్ అందిస్తున్న ఈ మూవీ వ‌చ్చే ఏడాది ఏప్రిల్ 7న థియేట‌ర్ల‌లోకి రాబోతుంది.