Kangana Ranaut | హ‌ద్దుల‌న్నీ దాటేస్తారా? బాలీవుడ్‌కు సిగ్గు లేదా? – కంగ‌నా ర‌నౌత్ ఫైర్‌

Kangana Ranaut |  బాలీవుడ్ సినీ ప‌రిశ్ర‌మ‌పై కంగ‌నా ర‌నౌత్ నిప్పులు చెరిగింది. అశ్లీలత‌, అస‌భ్య‌త విష‌యంలో హ‌ద్దుల‌న్నీ దాటేస్తోంద‌ని అన్న‌ది. కేడీ ది డెవిల్ మూవీ నుంచి ఇటీవ‌ల సర్కే చునార్ అనే సాంగ్‌ను మేక‌ర్స్ రిలీజ్ చేశారు. ఈ పాట‌లోని సాహిత్యం, స్టెప్పుల‌పై నెటిజ‌న్ల నుంచి తీవ్ర అభ్యంత‌రాలు వ్య‌క్త‌మ‌వుతోన్నాయి. అమ్మాయిల‌ను అస‌భ్యంగా వ‌ర్ణిస్తూ డ‌బుల్ మీనింగ్‌ల‌తో పాట‌లోని ప‌దాలు వినిపించాయి. నోరా ఫ‌తేహి ప‌దే ప‌దే పైట జారేయ‌డం, అశ్లీల స్టెప్పుల‌పై సినీ ల‌వ‌ర్స్ ఆగ్ర‌హం వ్య‌క్తం చేస్తున్నారు. తెలుగుతో పాటు త‌మిళం, క‌న్న‌డ‌, మ‌ల‌యాళం, హిందీ భాష‌ల్లో పాట‌ను రిలీజ్ చేశారు. తెలుగు మిన‌హా మిగిలిన అన్ని భాష‌ల్లో ద్వందార్థాలు, అశ్లీల ప‌దాల‌తోనే ఈ పాట ఉందని అంటున్నారు.

సంజ‌య్‌ద‌త్‌, నోరా ఫ‌తేహి...

స‌ర్కే చునార్ పాట బాలీవుడ్‌లోనూ వివాదాస్ప‌ద‌మ‌య్యింది. ఈ పాట‌లో సంజ‌య్‌ద‌త్‌, నోరా ఫ‌తేహి న‌టించారు. వారిని కూడా నెటిజ‌న్లు ట్రోల్ చేస్తున్నారు. డ‌బ్బు కోసం ఏమైనా చేస్తారా అంటూ క‌డిగిప‌డేస్తున్నారు. కాగా ఈ పాట‌పై బాలీవుడ్ హీరోయిన్, బీజేపీ ఎంపీ కంగ‌నా ర‌నౌత్ కూడా మండిప‌డ్డారు.

దిగ‌జారిపోతుంది...

బాలీవుడ్‌లో అశ్లీల కంటెంట్ పెరిగిపోయింద‌ని అన్న‌ది. ఆడియెన్స్ అటెన్ష‌న్ విష‌యంలో రోజురోజుకు హిందీ సినీ ప‌రిశ్ర‌మ‌ దిగ‌జారిపోతుంద‌ని చెప్పింది. అస‌భ్య‌త విష‌యంలో హ‌ద్దుల‌న్నీ దాటేస్తోన్నార‌ని తెలిపింది. "ఇలాంటి చీప్ ట్రిక్స్ వ‌ల్ల బాలీవుడ్ ప్ర‌తిష్ట మ‌న‌స‌క‌బారుతోంది. దేశం మొత్తం వారిని విమ‌ర్శిస్తున్నారు. త‌ప్పుల‌ను ఎత్తిచూపుతున్నారు. అయినా బాలీవుడ్ వ‌ర్గాల‌కు కొంచెం కూడా సిగ్గుగా అనిపించ‌డం లేదు. ఏం ప‌ట్ట‌న‌ట్లుగానే ఉంటున్నారు.అశ్లీల కంటెంట్ విష‌యంలో క‌ఠిన‌మైన చ‌ర్య‌లు తీసుకోవాలి. అప్పుడే ఇలాంటి పాట‌లు రావ‌డానికి త‌క్కువ‌గా ఆస్కారం ఉంటుంది" అని కంగ‌నా అన్న‌ది. కంగ‌నా కామెంట్స్ వైర‌ల్ అవుతోన్నాయి. మ‌రికొంత మంది మాత్రం కంగ‌నాను విమ‌ర్శిస్తున్నారు. హీరోయిన్‌గా నువ్వు కూడా ఇలాంటి పాట‌ల్లో న‌టించావు క‌దా...అప్పుడు ఇవ‌న్నీ గుర్తురాలేదా అంటూ కామెంట్స్‌, ట్వీట్స్ చేస్తున్నారు.