Kajal Aggarwal | ఆహార క‌ల్తీపై కాజ‌ల్ అగ‌ర్వాల్ పోరాటం – బాలీవుడ్ మూవీ ఫ‌స్ట్ లుక్ వ‌చ్చేసింది!

Kajal Aggarwal | కాజల్ అగర్వాల్ లాయ‌ర్‌గా మారింది. ఆహార క‌ల్తీపై ముంబై హైకోర్టులో వాదించ‌బోతుంది. ఈ కేసులో కాజ‌ల్ గెలిచిందా? లేదా? అన్న‌ది తెలియాలంటే ది ఇండియ‌న్ స్టోరీ మూవీ చూడాల్సిందేన‌ని అంటున్నారు మేక‌ర్స్‌, కాజ‌ల్ అగ‌ర్వాల్‌, శ్రేయస్ తల్ఫ‌డే ప్ర‌ధాన పాత్ర‌ల్లో రూపొందుతోన్న ఈ బాలీవుడ్ మూవీ జూలై 24న ప్రేక్ష‌కుల ముందుకు రాబోతుంది. హిందీతో పాటు తెలుగు, త‌మిళ భాష‌ల్లో రిలీజ్ అవుతోంది.

ఫ‌స్ట్ లుక్ రిలీజ్‌....

ది ఇండియా స్టోరీ ఫ‌స్ట్ లుక్ పోస్ట‌ర్‌ను మేక‌ర్స్ మంగ‌ళ‌వారం రిలీజ్ చేశారు. ఇందులో లాయ‌ర్‌గా న‌ల్ల‌కోటు వేసుకొని కాజ‌ల్ క‌నిపిస్తోంది. ఆమె చేతిలో క్యాన్స‌ర్ ఫైల్స్ అనే బుక్  ఉంది. మ‌రోవైపు క్యాన్స‌ర్‌తో బాధ‌ప‌డుతోన్న చిన్నారిని ఎత్తుకొని శ్రేయ‌స్ త‌ల్ఫ‌డే క‌నిపిస్తోన్నాడు. వారి వెనుక సాక్షుల బోనులో పురుగులమందు సిలిండర్ ఉండ‌టం ఆస‌క్తిని పంచుతోంది. ఆహార కల్తీ స‌మ‌స్య‌ను చ‌ర్చిస్తూ కోర్ట్‌రూమ్ డ్రామా ఈ మూవీ రూపొందుతోంది. చేత‌న్‌ డీకే దర్శకత్వం వహించగా, సాగర్ బి. షిండే కథ, స్క్రీన్‌ప్లే అందిస్తూ ఈ సినిమాను నిర్మిస్తున్నారు.

రామాయ‌ణ మూవీ....

ప్ర‌స్తుతం హిందీలో ది ఇండియా స్టోరీతో పాటు రామాయ‌ణ మూవీ చేస్తోంది. రామాయ‌ణ‌లో రావ‌ణాసురుడి భార్య‌గా కాజ‌ల్ క‌నిపించ‌బోతుంది.