Ntr | సొంత బ్యాన‌ర్ లాంఛ్ చేయ‌బోతున్న జూనియ‌ర్ ఎన్టీఆర్ – భార్య‌కు బాధ్య‌త‌లు?

Ntr |  టాలీవుడ్ హీరోలు ప్రొడ్యూస‌ర్లుగా మారుతున్నారు. ఓ వైపు క‌థానాయ‌కులుగా సినిమాలు చేస్తూనే మ‌రోవైపు కంటెంట్ ఓరియెంటెడ్ క‌థాంశాల‌తో కూడిన చిన్న సినిమాల‌ను నిర్మిస్తున్నారు. మ‌హేష్‌బాబు, రామ్‌చ‌ర‌ణ్‌, నానితో పాటు ప‌లువురు హీరోలు ప్ర‌స్తుతం నిర్మాత‌లుగా సినిమాలు చేస్తున్నారు. ఈ హీరోల బాట‌లోనే జూనియ‌ర్ ఎన్టీఆర్ అడుగులు వేయ‌బోతున్న‌ట్లు చెబుతున్నారు. సొంత బ్యాన‌ర్‌ను లాంఛ్ చేయ‌బోతున్న‌ట్లు టాలీవుడ్ వ‌ర్గాల్లో టాక్ వినిపిస్తోంది.

ఎన్టీఆర్...ఎంట‌ర్‌టైన్‌మెంట్‌...

సొంత బ్యాన‌ర్ పేరును ఎన్టీఆర్‌టేన్‌(NTRTAIN) అనే ఫిక్స్ చేసిన‌ట్లు స‌మాచారం. ఎన్టీఆర్‌, ఎంట‌ర్‌టైన్‌మెంట్ ఈ రెండు పేర్లు క‌లిసేలా ఈ బ్యాన‌ర్‌కు పేరు పెట్టిన‌ట్లు చెబుతున్నారు. సొంత బ్యాన‌ర్‌పై భారీ బ‌డ్జెట్ సినిమాలు కాకుండా నూత‌న టాలెంట్‌ను ఎంక‌రేజ్ చేస్తూ లిమిటెడ్ బ‌డ్జెట్‌లో కాన్సెప్ట్ ఓరియెంటెడ్ క‌థ‌ల‌తో కూడిన‌ చిన్న సినిమాల‌ను ప్రొడ్యూస్ చేయ‌బోతున్న‌ట్లు తెలిసింది.

భార్య‌కు బాధ్య‌త‌లు...

సొంత బ్యాన‌ర్ బాధ్య‌త‌ల‌ను భార్య ల‌క్ష్మిప్ర‌ణ‌తికి జూనియ‌ర్ ఎన్టీఆర్ అప్ప‌గించిన‌ట్లు స‌మాచారం. ఎన్టీఆర్‌టేన్ బ్యాన‌ర్‌కు ఆమెనే డైరెక్ట‌ర్‌గా వ్య‌వ‌హ‌రించ‌నున్న‌ట్లు ప్ర‌చారం జ‌రుగుతోంది. త్వ‌ర‌లోనే ఈ బ్యాన‌ర్‌ను అఫీషియ‌ల్ లాంఛ్ చేయ‌డ‌మే కాకుండా డెబ్యూ మూవీని కూడా ప్ర‌క‌టించ‌నున్న‌ట్లు వార్త‌లొస్తున్నాయి.

డ్రాగ‌న్ మూవీ...

ప్ర‌స్తుతం కేజీఎఫ్ ఫేమ్ ప్ర‌శాంత్ నీల్ డైరెక్ష‌న్‌లో డ్రాగ‌న్ సినిమా చేస్తున్నాడు ఎన్టీఆర్‌. ఇటీవ‌లే ఈ సినిమా షూటింగ్‌లో తీవ్రంగా గాయ‌ప‌డిన ఎన్టీఆర్‌కు స‌ర్జ‌రీ జ‌రిగింది. ఈ స‌ర్జ‌రీ కార‌ణంగా మూడు నెల‌లు సినిమా షూటింగ్‌కు దూర‌మ‌య్యాడు. యాక్ష‌న్ క‌థాంశంతో రూపొందుతోన్న ఈ మూవీ వ‌చ్చే ఏడాది జూన్ 11న థియేట‌ర్ల‌లోకి రాబోతుంది. ఎన్టీఆర్ గాయం కార‌ణంగా ఈ సినిమా వాయిదాప‌డే అవ‌కాశం ఉంద‌ని అంటున్నారు.