Web Series | హీరోగా మారిన టాలీవుడ్ క‌మెడియ‌న్ – వెరైటీ టైటిల్‌తో వెబ్‌సిరీస్

Web Series |  బేబీ, క‌ల‌ర్ ఫొటో, తండేల్‌తో పాటు తెలుగులో ప‌లు సూప‌ర్ హిట్ సినిమాల్లో క‌మెడియ‌న్‌గా క‌నిపించాడు హ‌ర్ష చెముడు, ఎన్నో సినిమాల్లో త‌న కామెడీ టైమింగ్‌తో ప్రేక్ష‌కుల‌ను మెప్పించిన హ‌ర్ష చెముడు సుంద‌రం మాస్ట‌ర్ మూవీతో హీరోగా మారాడు. కొంత గ్యాప్ త‌ర్వాత మ‌రోసారి క‌థానాయ‌కుడిగా తెలుగు ఆడియెన్స్ ముందుకు రాబోతుంది. అయితే సినిమాలో కాదు..ఓ వెబ్‌సిరీస్‌లో లీడ్ రోల్ చేయ‌బోతున్నాడు.

సాయిధ‌ర‌మ్‌తేజ్‌...

లీస్ట్ ఎలిజిబుల్ బ్యాచ్‌ల‌ర్ పేరుతో రూపొందుతోన్న ఈ వెబ్‌సిరీస్ శుక్ర‌వారం ప్రారంభ‌మైంది. ఓపెనింగ్ ఈవెంట్‌కు మెగా హీరో సాయిధ‌ర‌మ్‌తేజ్‌తో పాటు చందూ మొండేటి గెస్ట్‌లుగా హాజ‌ర‌య్యారు.
బాబు ద‌ర్శ‌క‌త్వం వ‌హిస్తున్న లీస్ట్ ఎలిజిబుల్ బ్యాచ్‌ల‌ర్ సిరీస్‌లో జ‌బ‌ర్ధ‌స్థ్ క‌మెడియ‌న్లు ఆటో రాంప్ర‌సాద్‌, బాబు కీల‌క పాత్ర‌ల్లో క‌నిపించ‌బోతున్నారు. ఈటీవీ విన్ ఓటీటీలో అక్టోబ‌ర్‌లో ఈ సిరీస్ రిలీజ్ కాబోతుంది.
కిర‌ణ్ అబ్బ‌వ‌రం మేనేజ‌ర్ చ‌వ‌న్ లీస్ట్ ఎలిజిబుల్ బ్యాచ్‌ల‌ర్ సిరీస్‌కు ప్రొడ్యూస‌ర్‌గా వ్య‌వ‌హ‌రించ‌నున్నాడు.
పెళ్లి కోసం ఓ యువ‌కుడు ప‌డే క‌ష్టాల చుట్టూ వినోదాత్మ‌కంగా ఈ సిరీస్ సాగ‌నున్న‌ట్లు స‌మాచారం.