Mamitha Baiju | వంద కోట్ల బ‌డ్జెట్ – 40 కోట్ల క‌లెక్ష‌న్స్ – ఓటీటీలోకి మ‌మితా బైజు కోలీవుడ్ డిజాస్ట‌ర్ మూవీ – తెలుగులో రిలీజ్‌

Mamitha Baiju | ధ‌నుష్, మ‌మితా బైజు హీరోహీరోయిన్లుగా న‌టించిన త‌మిళ మూవీ క‌ర భారీ అంచ‌నాల న‌డుమ రిలీజై బాక్సాఫీస్ వ‌ద్ద బోల్తా కొట్టింది. వంద కోట్ల బ‌డ్జెట్‌తో రూపొందిన ఈ యాక్ష‌న్ థ్రిల్ల‌ర్ మూవీ కేవ‌లం న‌ల‌భై కోట్ల క‌లెక్ష‌న్స్‌తో దారుణంగా నిరాశ‌ప‌రిచింది. క‌ర మూవీకి విఘ్నేష్ రాజా ద‌ర్శ‌క‌త్వం వ‌హించాడు. జ‌యరామ్‌, కేఎస్ ర‌వికుమార్‌, సూర‌జ్ వెంజ‌ర‌మూడు ప్ర‌ధాన పాత్ర‌ల్లో న‌టించారు.

నెట్‌ఫ్లిక్స్‌లో...

ఈ డిజాస్ట‌ర్ మూవీ ఓటీటీలోకి వ‌చ్చేస్తోంది. మే 28 నుంచి నెట్‌ఫ్లిక్స్‌లో స్ట్రీమింగ్ కాబోతుంది. త‌మిళంతో పాటు తెలుగులో కూడా రిలీజ్ అవుతోంది. క‌ర మూవీ ఏప్రిల్ నెలాఖ‌రున థియేట‌ర్ల‌లో విడుద‌లైంది. డిజాస్ట‌ర్ టాక్ కార‌ణంగా మూడు వారాల్లోనే మేక‌ర్స్ ఓటీటీలోకి తీసుకొస్తున్నారు.

డీ గ్లామ‌ర్ పాత్ర‌లో...

బ్యాంకు మోసాల‌కు తండ్రీకొడుకుల అనుబంధం, యాక్ష‌న్ అంశాల‌తో జోడించి ద‌ర్శ‌కుడు విఘ్నేష్ రాజా క‌ర సినిమాను తెర‌కెక్కించారు. పీరియాడిక‌ల్ బ్యాక్‌డ్రాప్‌లో రూపొందిన ఈ మూవీలో డీ గ్లామ‌ర్ పాత్ర‌లో మ‌మితా బైజు క‌నిపించింది. ధ‌నుష్ యాక్టింగ్ బాగుంద‌నే టాక్ వ‌చ్చినా... కాన్సెప్ట్ ఔట్‌డేటెడ్ కావ‌డం, ఆశించిన స్థాయిలో థ్రిల్ ఎలిమెంట్స్ లేక‌పోవ‌డంతో క‌ర ఫెయిల్యూర్‌గా నిలిచింది.

మ‌ల్లితో ప్రేమ‌లో ప‌డితే...

క‌ర (ధ‌నుష్‌) ఓ దొంగ‌. మ‌ల్లితో (మమితా బైజు) ప్రేమ‌లో ప‌డ‌తాడు. మ‌ల్లిని పెళ్లి చేసుకొని దొంగ‌త‌నాల‌కు గుడ్‌బై చెప్పాల‌ని అనుకుంటాడు. తండ్రి పొలాన్ని బ్యాంకులో తాక‌ట్టు పెట్టి లోన్ తీసుకొని ఓ హోట‌ల్ పెట్టుకొనేందుకు ప్ర‌య‌త్నాలు చేస్తాడు క‌ర‌. కానీ క‌ర తండ్రిని కోదండాన్ని మోసం చేసిన బ్యాక్ మేనేజ‌ర్ ముత్తు సెల్వ‌న్  (జయరామ్అ) అత‌డి పొలాన్ని లాక్కుంటాడు. ఆ బాధ‌తోనే కోదండం చ‌నిపోతాడు. తండ్రి మ‌ర‌ణంపై క‌ర ఎలా ప్ర‌తీకారం తీర్చుకున్నాడు? డీఎస్‌పీ భ‌ర‌త‌న్‌తో అత‌డికి ఉన్న గొడ‌వ‌ల‌కు కార‌ణ‌మేమిటి అన్న‌దే క‌ర మూవీ క‌థ‌.