OTT | అన‌సూయ‌కు విడాకులు ఇస్తాన‌న్న భ‌ర్త – నేరుగా ఓటీటీలోకి బాలీవుడ్‌ మూవీ

OTT | బాలీవుడ్ మూవీ జబ్ ఖులి కితాబ్ థియేట‌ర్ల‌ను స్కిప్ చేస్తూ నేరుగా ఓటీటీలోకి రాబోతుంది. పంకజ్ కపూర్, డింపుల్ కపాడియా ప్ర‌ధాన పాత్ర‌ల్లో న‌టిస్తున్న ఈ మూవీ మార్చి 6 నుంచి జీ5 ఓటీటీలో స్ట్రీమింగ్ కాబోతుంది. సౌర‌భ్ శుక్లా ద‌ర్శ‌క‌త్వం వ‌హించాడు. ఈ సినిమా ట్రైలర్‌ను సోమ‌వారం రిలీజ్ చేశారు. పెళ్లైన యాభై ఏళ్ల త‌ర్వాత వృద్ధాప్యంలో ఓ జంట విడాకులు తీసుకోవాల‌ని ఎందుకు అనుకున్నారు? కోర్టులో వారికి ఎలాంటి ప‌రిణామాలు ఎదుర‌య్యాయ‌నే అంశాల‌తో ఎమోష‌న‌ల్ ఎంట‌ర్‌టైన‌ర్‌గా ఈ మూవీ రూపొందుతోంది.

అన‌సూయ‌...గోపాల్‌...

గోపాల్ (పంకజ్ కపూర్), అనసూయ (డింపుల్ కపాడియా) పెళ్లైన యాభై ఏళ్ల త‌ర్వాత త‌మ వివాహా బంధానికి పుల్ స్టాప్ పెట్టాలని, విడాకులు తీసుకోవాలని అనుకుంటారు. గోపాల్ విడాకులు కావాలని కోరితే.. అనసూయ మాత్రం విడాకులకు అంగీకరించదు. ఇక వారి పిల్లలు, మనవళ్లు, మనవరాళ్లతో కుటుంబం ఎంతో నిండుగా ఉంటుంది. భార్య‌ను ఎంత‌గానో ప్రేమించే గోపాల్ ఆమెకు విడాకులు ఇవ్వాల‌ని ఎందుకు అనుకున్నాడు? అత‌డి నిర్ణ‌యం వెన‌కున్న క‌థేమిట‌నే ట్రైల‌ర్ ఎంట‌ర్‌టైనింగ్‌గా ఉంది. ప్రేమ‌కు అస‌లైన నిర్వ‌చ‌నం ఇచ్చే సినిమా ఇద‌ని మేక‌ర్స్ పేర్కొన్నారు. అపరశక్తి ఖురానా, మాన‌సి ఫ‌రేఖ్, స‌మీర్ సోనీ కీల‌క పాత్ర‌ల్లో న‌టించారు. త‌న డ్రీమ్ ప్రాజెక్ట్‌ల‌లో ఒక‌ట‌ని డింపుల్ క‌పాడియా అన్న‌ది.